1 Samuweli 6:17 - Bhibhiliya Nya Guage

¹⁷ Khiso esi, sifananiso nya sithunya nya ndralama Vafilisitiya va nga rumelago ga Pfhumu Nungungulu, gasi gu gira khiso phaso nya ditshedzo: Gimwegyo ga lidhoropa la Asidhodhi, gimwegyo dhoropani ga Gaza, gimwegyo dhoropani ga Asikeloni, gimbe dhoropani ga Gati, gimbe dhoropani ga Ekroni;

1 Samuweli 6:17 Iomraidhean Croise

2 Samuweli 1:20

Mu nga embelini va tigoni ga Gati, gambe mu nga ma pwadzini dzindzilani dza Asikeloni, gasi va si nengeli vanyamahegyane va Vafilisitiya, ambari gu ghiya khu gutsaka vanyamahegyane va vathu nya makhuna.

2 Samuweli 21:22

Ava nya vana va velegedwe khu vadandrangulu tigoni ga Gati, va thegide khu mandza ya Dhavhidhe ni mandza ya vathu vaye.

2 Dzipfhumu 1:2

Akazi a nga bani ari vbatshani nya gitezi nya nyumba yaye tigoni ga Samariya, a di thega khu vbagihogotunu ata dzi bayisa ngudzu. Khavbo avbo, a di rumela myango a yi embela, khuye: “Indrani mu ya wudzisa Bhahali-Zebhubi, nungungulu wa Ekoroni, gasi nyi dziti gukheni ina nyi na vbanya ga ngumbe yeyi, gani?”

2 Dzikoronika 26:6

Avbo a nga khuga aya dwana ni Vafilisitiya, a di ya khungumula likhokhola la Gati ni likhokhola la Jabini, ni likhokhola la Asidhodhi; khavbo avbo, a di vbaha madhoropa tigoni ga Asidhodhi ni ga Vafilisitiya.

Jeremiya 25:20

ni vathu nya mafumbu nya guhambanelane va vbanyago umomo, ni vafumeli vatshavbo va tigoni ga Uzi, vafumeli va tigoni nya Vafilisitiya, va Asikaloni, va Gaza, va Ekoroni ni mitshaledwa ya Asidhodhi;

Levhi 5:7

Gighohi gya gu hamuga nvuta mwendro phongo nya guhandzwe khiyo gighoho gi giridego, gi na resa ga Pfhumu Nungungulu, khu mhamba nya gighoho gyaye, matuva mavili mwendro sifondro sivili nya sipomba: Gimwegyo a na gira khigyo phaso nya guditshedzwe gighoho, ni gimbe nya phaso nya guvbiswe.

Amosi 1:6

Pfhumu Nungungulu a ngu ganela kharati, khuye: “Khu kotani nya sighoho siraru sa Gaza mwendro sina, kha nyi na bweledza tsayiso, kholu va dzegide vathu va va yisa wugumbini, gasi vaya va rengisa ga Edhomi.

Amosi 6:2

Vbindrani khu dhoropani ga Kaline, mu li wona; khu vbale indrani kala Hamati nya gukhongolo; mu relela kala Gati, nya Vafilisitiya. Ina madhoropa yaya ma mburide guvbindra mifumo yanu, gani? Mwendro litigo lawe likhongolo guvbindra lanu, gani?

Dhewuteronome 28:27

Pfhumu Nungungulu a na gu veta khu mitungu ya tigoni ga Egipito; gumogo ni sithunya ni mbatata, ni gighwere ni gu dzi tshuvela si si kodzwigo gu halawugiswa.

Valamuli 1:18

Judha a di wandra gambe Gaza, Asikeloni, Ekoroni gumogo ni mayigwana yawe.

Valamuli 14:19

Khavbo avbo, Liphuvbo la Pfhumu Nungungulu li di mbaka ga Samisoni. Uye a di relela ga va na Asikaloni, a vboha aya songa magumararu vama vawe, a dzega dzingandzu dzawe aya ningela avo va nga ningago phindrulo nya tekatekane. Khu hwane a di tala khu giviti, a bwelela gaya ga babe waye.

Valamuli 16:1

Samisoni a di hongola Gaza, aya wona nyamayi nya liphuphulu, a bhaya naye.

Valamuli 16:21

Khavbo avbo, va di bela Vafilisitiya va ta mu mola, va mu polela maho, va mu dzega va relela naye Gaza, vaya mu hunga khu makhetshe mavili nya sugu, a tshindra sivbila pasoni.

1 Samuweli 5:1

Vafilistiya va di dusa Ngasa ya Nungungulu tigoni ga Ebhenizeri va yi yisa Asidhodhi.

1 Samuweli 5:10

Khavbo avbo, va di rumela Ngasa ya Nungungulu tigoni ga Ekroni. Khu guralo, gu di girega gu, na yi vbohide tigoni mule, vathu va Ekroni va di samala va ganela, khavo: “Va di resa eno gwathu Ngasa ya Nungungulu wa Israyeli, gasi guta songa ethu gumogo ni va na gyathu.”

1 Samuweli 5:8

Khavbo avbo, va di rumela myango guya ramba manganagana yatshavbo nya Vafilisitiya, va ma wudzisa, khavo: “Hi na gira ginani khu Ngasa ya Nungungulu wa Israyeli?” Avo va di hakha, khavo: “Yi na dzegwe Ngasa ya Nungungulu wa Israyeli, yi yiswa Gati.” Va di rwala Ngasa ya Nungungulu wa Israyeli, va vbindra khu lidhoropa ni lidhoropa, kala va yi vbohisa Gati.

1 Samuweli 6:4

Avo va di wudzisa, khavo: “Ningelo muni nya ditshedzo hi yelago guya wu bikela?” Va di hakha, khavo: “Gukhedza khu tengo nya manganagana nya Vafilisitiya, livbandre sithunya nya ndralama ni livbandre magondzo nya ndralama, kholu khiyo eyi tsayiso a nga mi bayisa khiyo enu mwatshavbo, gumogo ni dzindruna dzanu dzatshavbo.