1 Samuweli 5:2 - Bhibhiliya Nya Guage

² Vafilistiya va di dzega Ngasa ya Nungungulu va yi vega nyumbani ga Dhagoni, vbafuvbi ni gifananiso gyaye.

1 Samuweli 5:2 Iomraidhean Croise

1 Dzikoronika 10:10

Matshari ya Sawule va diya ma vega nyumbani ga vanungungulu vawe, hungo waye va wu tshomega nyumbani ga nungungulu a ranwago gupwani Dhagoni.

1 Dzikoronika 10:8

Khu litshigu li landrelago, avbo Vafilisitiya va ngata guta phanga dzitshalu nya sirumbi, va dita tugula Sawule gumogo ni sanana saye na va fude gigomoni gya Gibhowa.

Dhaniyeli 5:2

Avbo Bhalitazari a nga bani na gu sela wadwa, a di rumela gukhuye guya dzegwa dzikhokho nya ndralama nidzo nya parata iso babe waye Nabhukodhonosori a nga dzi dusago khu Nyumbani ga Nungungulu, yi nga bani na yiri Jerusalema, gasi ata sela khidzo wadwa mufumeli, dzindruna, vagadzi ni sibhayi saye.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Habhakuka 1:11

Avo va na vbindra va ya mbeli nga phuvbo, va va gandra, va rwega vathu milandru, kholu nungungulu wawe, khu tshivba yawe.

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Valamuli 16:23

Va di tombana vathangeli nya Vafilisitiya, va gira buzo nya guningele mhamba ga nungungulu wawe Dhagoni, kholu va di gukhavo: “Nungungulu wathu a hi ningide mandzani gwathu nala wathu Samisoni.”