1 Samuweli 31:4 - Bhibhiliya Nya Guage

⁴ Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.

1 Samuweli 31:4 Iomraidhean Croise

2 Samuweli 1:1

Hwane nya bani na fude Sawule, Dhavhidhe na ngari gu wuya khiyo nya gusasele Vaamaleki, na khade matshigu mavili tigoni ga Zikalagi;

2 Samuweli 1:14

Dhavhidhe a di mu embela, khuye: “Khu ginani u ngamba thava gu khusedza mandza yago, u songa uye a todzidwego wa Pfhumu Nungungulu?”

2 Samuweli 1:20

Mu nga embelini va tigoni ga Gati, gambe mu nga ma pwadzini dzindzilani dza Asikeloni, gasi va si nengeli vanyamahegyane va Vafilisitiya, ambari gu ghiya khu gutsaka vanyamahegyane va vathu nya makhuna.

2 Samuweli 1:6

Khavbo avbo, lidzaha li di hakha, khilo: “Eni nyi di gu vbindra khu mugigomoni ga Gilibhowa, nyi di wona Sawule na khighede vbalitsharitunu gwaye. Dzikareta ni vakhileli va nga bani va mu lundra, va di gu mu vbohela.

2 Samuweli 17:23

Avbo Ayitofeli a nga wonago gukhuye makungo yaye kha ma landriswa, a di ghabhatisa buru yaye, a khuga a hongola dhoropani gwawe. A di mana sileletelo satshavbo sa ndrangani gwaye; khu hwane aya dzi hunga afa, a dzingwa thowoni ga babe waye.

2 Samuweli 21:12

Dhavhidhe a diya dzega marambo ya Sawule ni ya mwanaye Jonatane, ga vavbanyi va Jabhesi-Gileyadhi, ma nga bani va ma bide avbo va nga vbayegwago khu Vafilisitiya tandralani ga Bheti-Seyani, litshigu va nga songago Sawule gigomoni ga Gilibhowa.

1 Dzipfhumu 16:18

Avbo Ziniri, a nga wona gukhuye lidhoropa li ngu hadza gu wandrwa, a di bela nyumbani nya wufumu, aya yi vbisa nari umomo, afa.

1 Dzipfhumu 16:27

Gasi khu yimbe mithumo ya Oniri, iso a giridego, ni tshivba yaye a yi yeyedzidego, si lovidwe umo nya Libhuku nya Matimo ya Vafumeli va Israyeli.

1 Dzikoronika 10:4

Khu guralo, Sawule a di embela muphari nya matshari yaye, khuye: Homola litshari lago u nyi paya, kholu nyi ngata sagedwa khu va nya misutu vava. Aholu muphari nya matshari a di bomba, kholu a diri ni hwanga ngudzu; khavbo avbo, Sawule a di dusa litshari laye a dzi paya khilo vbakhanatunu.

Valamuli 14:3

Aholu, vavelegi vaye va di mu wudzisa, khavo: “Ina wa gu hamuga nyamayi ga vanyamahegyane va va ndriyago, ni vbakari nya vathu vatshavbo va tigoni gwathu, nya gukala u vbweta guya dzega nyamayi nya mahedheni yaya nya Vafilisitiya, gani?” Samisoni a di embela babe waye, khuye: “Nyi dzegeleni nyamayi yoyu, kholu, uye tsakedwe khu monyo wangu.”

Valamuli 9:54

Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.

1 Samuweli 26:10

Dhavhidhe a di engedza gambe, khuye: “Nyi ngu sambanya khu Pfhumu Nungungulu a vbanyago, kheni Uye Pfhumu Nungungulu a na mu songa, mwendro la gu vboha litshigu laye a nafa, mwendro a gu hongola nyimbitunu a naya songwa.

1 Samuweli 31:5

Avbo muphari nya matshari yaye, a nga wonago nya gukhuye Sawule fude, a di dzi rinya nuye vbatshani nya litshari laye afa gumogo naye.