1 Samuweli 29:3 - Bhibhiliya Nya Guage

³ Manganagana nya Vafilisitiya ma di ganela, khavo: “Gasi Vahebheru vava va guvbweta ginani avba.” Akisi a di va phindrula, khuye: “Ina kamwe kha mu mutini Dhavhidhe, githumi gya Sawule, mufumeli wa Israyeli, gani?” Gu ngu vbindra myaga na nyiri naye, gimwalo gihoso nyi gi manidego gwaye gukhugela litshigu a thavidego ga va na gyawe kala muhuno.

1 Samuweli 29:3 Iomraidhean Croise

Genesi 14:13

Moyo nya vale va nga thavago, a di ya embela Abrama, Muhebheru a nga bani a vbanya misimboni nya yikhongolo ya Manire-Mambre, nongo wa Esikoli ni Aneri va nga bani va hungide pwanano ni Abrama.

1 Dzikoronika 12:19

Vomo navo va na Manasi va ngaya dzi tshanganisa ni Dhavhidhe, gikhati a ngata ni Vafilisitiya, guta dwanisana ni Sawule, aholu uye kha nga phasedzela Vafilisitiya, kholu manganagana nya Vafilisitiya, ma di va laya ma va bweledza na va gukhavo: A na hi thava a hongola ga mufumeli waye Sawule, a logovedza mihungo yathu.

1 Dzikoronika 12:20

Avbo a nga bwelelago, a wuya Zikalagi, va na Manasi va diya dzi tshanganisa avbo gwaye a gu ava: Adhina, Jozabhadhi, Jedhiyayeli, Mikayeli, Jozabhadhi, Eliyu ni Ziletayi, vathangeli nya sikwata nya likhumi mazana (1.000) sa na Manasi.

Dhaniyeli 6:5

Khu guhegisani, vama vava va di ganela, khavo: “Gima kha hi na nga mana gilo nya gusingedze khigyo Dhaniyeli, vbavbandze ga nayo wa Nungungulu waye.”

Johane 19:6

Me ni gu mu wona, vathangeli nya vaphasi nya mhamba ni dzindruna va di gulumela, khavo: “A na khokhothedwe! A na khokhothedwe!” Pilato a di engedza gambe, khuye: “Mu dzegeni muya mu khokhothela enu vamune, kholu eni kha nyi mani gihoso gwaye.”

Varoma 12:17

Mu nga bweledzelini guvivba khu guvivba, aholu dzi garadzeni khu gu girela gwadi vathu vatshavbo.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

1 Samuweli 14:11

Khu guralo, khu wuvili wawe, va diya dzi wonegisa ga vawoneleli nya Vafilisitiya, avo va di ganela, khavo: “Kha mu va woni vale va dugago khu dziphagoni va nga bani va sihade umo.”

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.

1 Samuweli 27:1

Khu guralo, Dhavhidhe a di pimisa khu monyoni gwaye, khuye: “Limbe litshigu nyi na tshukha nyi thegela mandzani ga Sawule; kholu, gimwalo nya gyadi nyi na gi girago vbavbandze nya guthavele tigoni ga Vafilisitiya; gasi Sawule a garala khu gu nyi landrelela ga sipandre satshavbo sa Israyeli; khu kharati nyi na vbuluga mandzani gwaye.”

1 Samuweli 27:7

Gikhati gyatshavbo Dhavhidhe a vbanyidego tigoni nya Vafilisitiya gipimo nya mwaga ni migima mina.

1 Samuweli 29:6

Khavbo avbo, Akisi a di rana Dhavhidhe a mu embela, khuye: “Nyi ngu sambanya khu Pfhumu Nungungulu a vbanyago, gukheni uwe u lulamide, nyi di gu wona gukheni gu diri gwadi gu longoloka neni nyimbini momu; kholu gimwalo gihoso ni gimwegyo nyi gi manidego avbo gwago, gukhugela litshigu u vbohidego avbo gwangu kala muhuno; aholu manganagana yangu, kha ma tsaki khuwe.”

1 Samuweli 4:6

Vafilistiya, na va pwide, va di khavo: “Wa gu tshamusela ginani kulungwane wowo nya wukhongolo wu pwalago lizumboni gwa Vahebheru?” Va di tugula gukhavo, Ngasa ya Pfhumu Nungungulu yi nga vboha lizumboni.