1 Samuweli 28:8 - Bhibhiliya Nya Guage

⁸ Sawule a di tshula guambala gwaye nya wufumu, a dzi siha a ambala gumbe, a dzega vama vavili, a hongola navo ga nyamayi wule ni vbawutshigutunu; aya mu embela, khuye: “Nya gu gu lomba gukheni sikwembu sago si nyi sasuve gasi guti mwendro nyi ngu yela gu hongola ga wule nyi na gu embelago lina laye.”

1 Samuweli 28:8 Iomraidhean Croise

1 Dzipfhumu 22:30

Mufumeli wa Israyeli a di embela Josafati, khuye: “Eni nyi ngu dzi vbindrugedza nyi bela mulitungani, aholu uwe, simama ni dzingandzu dzago nya wufumu.” Khu guralo, mufumeli wa Israyeli a di dzi vbindrugedza a bela litungani.

1 Dzipfhumu 22:34

Khu githugedza, mwama moyo a di khwandra nya mukhwandre giholoma, gi penga gi ya hekha mufumeli wa Israyeli khu wutshanganeloni nya gikhweso gyaye nya dzisimbi. Mufumeli a di dzegela gu embela mugimbidzisi nya kareta yaye, khuye: “Dzega kareta u nyi dusa vbakari nya nyimbi, kholu nyi bayisidwe ngudzu.”

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

2 Dzikoronika 18:29

Mufumeli wa Israyeli a di embela Josafati, khuye: “Eni nyi na dzi siha khu gu ambala dzimbe dzingandzu, aholu uwe ambala dzingandzu dzago nya wufumu.” Khu guralo, mufumeli wa Israyeli a di dzi siha khu gu ambala dzimbe dzingandzu a bela nyimbitunu.

2 Dzikoronika 35:22

Aholu Josiya kha nga thendregedza a bwelela; gima kha nga yingisa magana ya Neko, ayo ma nga bani ma duga khu kanani ga Nungungulu, a di ta dwana naye kovani wa Megidho.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Ezekiyeli 12:6

Wu vbagare vathu vatshavbo na va gu gu wona, u wu rwala na li gu pfola lidambo. Fenengedza khovbe yago gasi u si woni gilo gya tigoni, kholu, eni nyi giride khu uwe giyeyedzo ga vathu va Israyeli.”

Johane 3:19

“Igyo gi na va mbembisago, khegi: Guwonegela gu dzude mafuni, aholu vathu va di gola ngudzu gidema guvbindra guwonegela, kholu mithumo yawe yi vivbide.