1 Samuweli 28:23 - Bhibhiliya Nya Guage

²³ Aholu uye a di bomba a mu embela, khuye: “Kha nyi na hodza gilo.” Aholu sithumi saye gumogo ni nyamayi va di mu khongotela; uye a di dzumela. Uye a di khuga vbavbatshi a khala vbadawutunu.

1 Samuweli 28:23 Iomraidhean Croise

1 Dzipfhumu 21:4

Khavbo avbo, Akabi a di bwelela gaya gwaye na vbisegide ngudzu khu kotani nya magana a nga embedwago khu Nabhoti wa Jezireyeli, a nga khuye: “Gima kha nyi na gu ninga thomba ya vababe vangu.” A diya lala vbadawutunu gwaye, a thendregedza khovbe yaye, a khedza ndzaritunu, a si vbweti gu hodza gilo.

2 Dzipfhumu 4:8

Tshigu mwedo, Elizewu a di vbindra khu Sunemi, iyo gu nga bani na gu khala nyamayi moyo nya gitetema, a nga bani a mu guruvedza guya hodza guhodza gwaye; gikhati gyatshavbo a nga bani na gu vbindra khu vbale, a diya hodza guhodza gwaye.

2 Dzipfhumu 5:13

Aholu sithumi saye si di hidzimela vbafuvbi gwaye si mu embela, khiso: “Baba, naripwani muprofeti a di gu embela gimbe gilo nya gikhongolo, ina wa sa gira, gani? Ahati olu a gukhuye: Indra u ya hamba, u na agiswa, ina khu faneli gu si gira, gani?”

Esiteri 1:6

Avbovbo gu di ghwimbidwe myendra nya guage, neyi nya livala la damboni, na yi hungidwe khu dzingodzi nya dzikhindra nya guage ni giwunguwungu, na si khweleketidwe khu masindra nya parata, yi vbayegwa vbamadingotunu nya siwindri nya wumburi. Gu diri gambe ni sikhalo nya ndralama ni parata, vbavbatshi gakone gu di giridwe khu siwindri nya guage niso nya gufuvile, nya sugu ni siwindri nya gukhedzige.

Mavingu 25:20

Uye a embelelago ndzimo ga muthu a gu ni wuvi, a gu fanana ni gu tshula libhadzi litshigu nya girame, mwendro gu mu thela ginageri vbagilondratunu.

Ezekiyeli 23:41

Uwe u khade vbagikhalotunu nya masofa, mbeli gwagyo gu nga bani gu dongisedwe meza, u vegide libani ni mafura si nga bani si nyi lumba.

Luka 14:23

Khavbo avbo, a di embela githumi gyaye, khuye: ‘Indra dzindzilani ni sindzilanani, u gimbila u rana vatshavbo va ta bela, mwendro nyumba yangu yi na tala.

Luka 24:29

Gasi avo va di mu khadzisa, khavo: “Khala ni ethu, kholu lidambo li hwidwe, wutshigu wu nguya na wu hidzimela.” A di bela, gasi guya khala navo.

Mithumo 16:15

Hwane nya gu bani a bhapatisidwe uye ni ndranga yaye yatshavbo, a di hi lomba, khuye: “Mwa gu wona gukhenu eni nyi muthu a khodwego ga Pfhumu, belani nyumbani gwangu mu khale.” A di hi gurumedza gu bela.

2 Vakorinto 5:14

Kholu lihaladzo la Kristo li ngu hi gurumedza, ha gu alakanya gukhethu muthu moyo basi a di fela vathu vatshavbo, khavbo avbo vatshavbo va fude naye.

1 Samuweli 28:22

Khu guralo, olu, yingisa nuwe magana ya githumi gyago, u dzumela gi gu vegela guhodzanyana gu dugwana mbeli gwago, u hodze, gasi u kodze gu mana tshivba nya gukhuge u hongola liendroni gwago.”