19 Ina muthu a gu manana ni nala waye a ngu kodza gu mu diga a hongola, gani? Khu guralo, Pfhumu Nungungulu a na gu ninge tshatshazelo nya wuwadi, khu kotani nya esi u nyi giredego muhuno.
a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”
Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”
A mu embela, khuye: “U nga thavi, kholu gyandza gya babe wangu Sawule kha gi na gu mana; khu guralo, uwe u na fumela Israyeli, eni nyi na khala gyandza gyago, mahungu yoyo ambari babe wangu Sawule a ngu mati gwadi.”
Pfhumu Nungungulu a na bweledzele moyo ni moyo mayelano khu gutumbega gwaye ni gululama gwaye; kholu Pfhumu Nungungulu, muhuno a di gu gu ningede mandzani gwangu, aholu eni kha nya dzina gu khusa mandza nyi songa uye a todzidwego khu Pfhumu Nungungulu.
Khavbo avbo, Sawule a di embela Dhavhidhe, khuye: U na kategiswe uwe mwanangu Dhavhidhe, kholu u girago silo nya sikhongolo, u dugelela ngudzu. Khavbo avbo, Dhavhidhe a di simama ni ndzila yaye, Sawule a bwelela wulanga waye.