1 Samuweli 24:16 - Bhibhiliya Nya Guage

¹⁶ Dhavhidhe na ngari gu vbedza gu ganela magana yatshavbo yaya ga Sawule, Sawule a di khuye: “Ina lito lago lolo gani mwanangu Dhavhidhe?” Sawule a di lila khu lito nya gukhugege.

1 Samuweli 24:16 Iomraidhean Croise

Genesi 16:5

Sarayi a di embela Abrama, khuye: “Dzitshoni nyi thedwago khu kotani yago dzi na thegela uwe. Eni nyi gu ningide githumi gyangu gu khala mwangadzi wago, olu gi dzipwago na giri ni mimba gya gu nyi nyenya. Pfhumu Nungungulu a na hi lamule ethu ha vavili, uwe ni eni!”

Genesi 2:2

Khu litshigu nya livbandre na mavili, Nungungulu, na vbedzide thumo waye watshavbo a wu giridego, a di hefemula.

Genesi 33:4

Khavbo avbo, Esawu a di tutuma a mu khingamedza aya mu phara a mu wugarela, a mu bhejari, va lila khu wuvili wawe.

1 Dzikoronika 12:18

Khavbo avbo, Amasayi, moyo nya vathangeli wa ava nya magumararu, a di beledwa khu Liphuvbo a ganela, khuye: “Ethu hi vathu vago, uwe Dhavhidhe, ethu hi womo gumogo nago, uwe mwamana wa Jese! Gurula, gurula gu na khale ni uwe! Ni gurula gu na khale ni vale va gu phasedzelago! Kholu Nungungulu wago, a ngu gu phasedzela.” Dhavhidhe a di va hakha, a va emisa gu khala vathangeli nya nyimbi.

Joba 6:25

Idzo ma payago khidzo magana nya gululame! Gasi magana yanu ma gu laya mani?

Dzindzimo 119:154

Vhikela mahungu yangu u nyi tshula, nyi vbanyise kha nga gutumbisa gwago.

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Mavingu 25:11

Mahungu ma ganedwago khu gikhati gyaye, kha nga sifananiso nya makandzu nya ndralama ma tshavedwego somboni nya parata.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Mithumo 6:10

Aholu, va di si dugeleli khu kotani nya guti gwaye ni Liphuvbo nya Guage li nga mu ninga tshivba nya guganele.

Valamuli 11:27

“Eni kha nya gu ghohela ni vbadugwana, aholu uwe u ngu gira gighoho khu gu nyi dwanisa; Pfhumu Nungungulu a gu mulamuli, a na lamule muhuno vbakari ga va na Israyeli ni va na Amoni.”

1 Samuweli 26:17

Khavbo avbo, Sawule a dipwa lito la Dhavhidhe, a ganela, khuye: “Ina khandri lito lago lolo uwe mwanangu Dhavhidhe, gani?” Dhavhidhe a di hakha, khuye: “Ina lito langu mufumeli, mune wangu.”

1 Samuweli 26:24

Kha nga muhuno, guvbanya gwago gu manidego lisima mahoni gwangu, kharato nugo, womi wangu wu na mane lisima mahoni ga Pfhumu Nungungulu, a nyi vbulugisa gu sanisekani gwangu gwatshavbo.”