1 Samuweli 24:13 - Bhibhiliya Nya Guage

¹³ Kha nga ma ganelago mavingu ya vagale, gukhayo: Khu kanani ga va nya guvivbedwa khu monyo gwa gu duga guvivba; khu guralo, gyandza gyangu gima kha gi na gu kuha.

1 Samuweli 24:13 Iomraidhean Croise

Genesi 16:5

Sarayi a di embela Abrama, khuye: “Dzitshoni nyi thedwago khu kotani yago dzi na thegela uwe. Eni nyi gu ningide githumi gyangu gu khala mwangadzi wago, olu gi dzipwago na giri ni mimba gya gu nyi nyenya. Pfhumu Nungungulu a na hi lamule ethu ha vavili, uwe ni eni!”

1 Dzikoronika 12:18

Khavbo avbo, Amasayi, moyo nya vathangeli wa ava nya magumararu, a di beledwa khu Liphuvbo a ganela, khuye: “Ethu hi vathu vago, uwe Dhavhidhe, ethu hi womo gumogo nago, uwe mwamana wa Jese! Gurula, gurula gu na khale ni uwe! Ni gurula gu na khale ni vale va gu phasedzelago! Kholu Nungungulu wago, a ngu gu phasedzela.” Dhavhidhe a di va hakha, a va emisa gu khala vathangeli nya nyimbi.

Ezekiyeli 16:44

Vatshavbo avo va golago gu sawutela mavingu, va na sawutela mavingu yaya khu uwe, khavo: “Gyanana gegi gya gu godza mayi waye.”

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Matewu 7:20

Khu kharato, mu na vati khu mihandro yawe.”

Valamuli 11:27

“Eni kha nya gu ghohela ni vbadugwana, aholu uwe u ngu gira gighoho khu gu nyi dwanisa; Pfhumu Nungungulu a gu mulamuli, a na lamule muhuno vbakari ga va na Israyeli ni va na Amoni.”