1 Samuweli 2:35 - Bhibhiliya Nya Guage

³⁵ Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.

1 Samuweli 2:35 Iomraidhean Croise

2 Samuweli 7:11

gukhugela litshigu nyi vegidego valamuli ga vathu vangu, va na Israyeli, khu guralo nyi na gu hefemudza ga valala vago vatshavbo. Bwelo khavbo Pfhumu Nungungulu a na gu tivisa gukhuye uye a na gu vbahela nyumba.

2 Samuweli 7:27

Kholu uwe Pfhumu nya Tshivba Yatshavbo, Nungungulu wa na Israyeli, u tiviside githumi gyago, khuwe: Nyi na gu vbahela nyumba. Khu kharato, githumi gyago gi tiyide hwambo gu gu girela nombelo yoyu.

1 Dzipfhumu 1:45

Muphasi nya mhamba Sadhoki, ni muprofeti Natani, va mu todzide hungoni khu mafura gifefeni gya Gidheyoni. Va khuga khiyoyo va gwela dhoropani na va tsakide, lidhoropa lomo khu nyenganyenga, khilo ligwaha u li pwidego.

1 Dzipfhumu 1:8

Aholu muphasi nya mhamba Sadhoki, ni Bhenaya mwamana wa Joyadha, ni muprofeti Natani, ni Simeyi, ni mufumeli, ni dzindrena dzi nga bani dziri ni Dhavhidhe, va diri mwalo gumogo ni Adhoniya.

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

1 Dzipfhumu 2:35

Khu guralo, mufumeli a di vega Bhenaya, mwamana wa Joyadha, wulangani gwaye, kha nga muthangeli nya nyimbi; a gu vega Sadhoki, gu khala muphasi nya mhamba wulangani ga Abhiyatari.

1 Dzikoronika 29:22

Va di hodza ni gu sela khu litshigu lile mbeli ga Pfhumu Nungungulu, khu gunengela nya gukhongolo ngudzu; khu gu landrela va di pharisa ndronga nya wufumu Solomoni, mwamana wa Dhavhidhe, gu khala muthangeli, va mu todza khu mafura mbeli ga Pfhumu Nungungulu, va todza gambe Sadhoki gu khala muphasi nya mhamba.

Dzindzimo 18:50

Uye khuye a ningago gupala mufumeli waye, gambe a ngu yeyedza lihaladzo ga wule a mu hathidego, khu kotani ya Dhavhidhe ni sanana saye kala gupindruga.

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Ekisodha 1:21

Nungungulu a di kategisa mapango ya vasingalagadzi, kholu va nga yeyedza githawo gwaye.

Ezekiyeli 34:23

Nyi na emisa muhavisi moyo gasi a khale muhavisi wawe, uye a na dzi havisa; githumi gyangu Dhavhidhe khuye a na dzi havisago; uye a na khala muhavisi wawe.

Mitengo 25:13

Gi na khala avbo gwaye; ni ga situgulwana saye, gidzumeledzwano nya wuphasi nya mhamba kala gupindruga, kholu simamide gu yeyedza githawo ga Nungungulu waye, a girela gutsetseledwa nya sighoho sa na Israyeli.”

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

1 Samuweli 10:10

Na va vbohide Gibheya, va di khingwa khu tsawa nya vaprofeti; Sawule a di tala khu liphuvbo la Nungungulu, a phela guprofeta vbakari gwawe.

1 Samuweli 10:9

Avbo Sawule a nga hambana ni Samuweli, Nungungulu a di vbindrugedza monyo waye, satshavbo siwoniso si di girega gwaye khu litshigu lolo.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.

1 Samuweli 2:36

Avo va na tshalago va ndrangani gwago, va na khidzima mbeli gwaye, gasi va mane gingerengere nya parata mwendro gipandre nya gibaba, va mu embela, khavo: Hi ngu gu lomba, hi dzumedzise hi khala vaphasi nya mhamba gasi hi kodza gu mana gilogyo nya guhodze.”

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.

1 Samuweli 3:1

Lidzaha Samuweli a di gu thumela Pfhumu Nungungulu na gu thangedwa khu Eli. Gikhatini gyogyo, Pfhumu Nungungulu a di gu kala gu ganela, ni siwoniso niso si di si tali gu wonega.

1 Samuweli 7:9

Khu guralo, Samuweli a di dzega ginvutana nya gu bani na gi nga gu mama, a gira phaso nya guvbiswe ga Pfhumu Nungungulu; Samuweli a di lila ga Pfhumu Nungungulu wa Israyeli, ni Pfhumu Nungungulu, a di mu hakha.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.

1 Samuweli 9:12

Avo va di va hakha, khavo: Ina kha mu mu woni wule mbeli gwanu; vbiredzani, muhuno dzude dhoropani; kholu a gu litshigu vathu vayago va ya ningela miphaso wulangani nya gigomo.

1 Samuweli 9:13

Mwa gu bela dhoropani, mu na dzegela gu mu mana na si gu gweli wulangani nya gigomo gasi guya hodza; kholu vathu kha va na hodza na si gu vbohi, uye khuye a kategisago phaso, khu hwane, khavbo va hodzago vale va rambidwego. Gwelani khu guvbiredza, mu naya dzegela gu mu mana.