1 Samuweli 18:25 - Bhibhiliya Nya Guage

²⁵ Sawule a di va embela, khuye: “Indrani mu ya embela esi Dhavhidhe, khenu: Mufumeli kha vbweti gukhuye u lowola, aholu a gu vbweta lizana misutu ya Vafilisitiya, yi khala gu dzi phodzela ga mufumeli ga valala vaye.” Khu magirelo yoyo, Sawule a di zama gukhuye Dhavhidhe a thegela mandzani ga Vafilisitiya.

1 Samuweli 18:25 Iomraidhean Croise

Genesi 29:18

Kha nga Jakobe a nga bani a gu gola ngudzu Rakeli, a di ganela, khuye: “Nyi na gu thumela livbandre na mivili myaga nyi fela gu dzega Rakeli, nyamahegyane wago nya nandra.”

Genesi 34:12

Ganelani tengo mu wu vbwetago nya lowolo ni sombo, nyi na mi ningani gukhedza khidzo mu dzinago khidzo. Aholu egi nyi mi lombago basi khu gukheni dzumelani nyi dzega nyamahegyane wanu a khale mwangadzi wangu.”

2 Samuweli 3:14

Khu hwane, Dhavhidhe a di rumela myango ga Isobhoseti, mwamana wa Sawule, a mu embela, khuye: “Nyi bweledzele mwangadzi wangu Mikali, nyi ningidwego gu khala wangu, khu kotani nyi nga songago lizana makhuna nya Vafilisitiya.”

Josuwa 5:3

Khavbo avbo, Josuwa a di gira migala khu siwindri a hanisa wugwera va na Israyeli Gibheyati-Haraloti.

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.

1 Samuweli 18:17

Sawule a di embela Dhavhidhe khuye: “Nyi na gu ninga Merabhi nyamahegyane wangu nya matiwula a khala mwangadzi wago; gambe u fanede gu dzi yeyedza gukhuwe u ndrena nya gudwane dzinyimbi dza Pfhumu Nungungulu.” Sawule a di ganela khu monyoni gwaye, khuye: “Kha nyi vbweti gu mu songa khu mandza yangu, aholu a na songwa khu Vafilisitiya.”

1 Samuweli 18:24

Avbo vathumegeli va ngaya embeledzela Sawule, iso a nga va hakhago khidzo,

1 Samuweli 19:1

Sawule a di ganela ga mwanaye Jonatane ni ga vathumegeli vaye vatshavbo khu gikungu gyaye nya guvbwete gu songa Dhavhidhe. Aholu Jonatane mwamana wa Sawule, a di gu gola ngudzu Dhavhidhe.