Biblia Todo Logo
Bìoball air-loidhne

- Sanasan -




1 Samuweli 18:17 - Bhibhiliya Nya Guage

17 Sawule a di embela Dhavhidhe khuye: “Nyi na gu ninga Merabhi nyamahegyane wangu nya matiwula a khala mwangadzi wago; gambe u fanede gu dzi yeyedza gukhuwe u ndrena nya gudwane dzinyimbi dza Pfhumu Nungungulu.” Sawule a di ganela khu monyoni gwaye, khuye: “Kha nyi vbweti gu mu songa khu mandza yangu, aholu a na songwa khu Vafilisitiya.”

Faic an caibideil Dèan lethbhreac




1 Samuweli 18:17
22 Iomraidhean Croise  

Umo nya lidangalila a di lova, khuye: “Vega Uriya khu avbo nyimbi yi vbisago ngudzu, mu mu diga avbo gasi a kodza gu songwa.”


Khu ginani u nga yeyisago magana ya Pfhumu Nungungulu, u gira esi si vivbidego mahoni gwaye? U songide Uriya, Muhiti khu litshari, khu gufela gu dzega mwangadzi waye a khala wago, hwane nya gu bani u mu songide khu litshari la na Amoni.


Avbo Ngasa ya Pfhumu Nungungulu yi nga belago Dhoropani, Mikali, nyamahegyane wa Sawule a di gu holelela khu vbagihogotunu a wona mufumeli Dhavhidhe na gu ndragandraga a hana mbeli ga Pfhumu Nungungulu, uye a di swireka monyoni gwaye.


Muthu ni muthu, a gu liphela muthu kwawe khu magana nya gusengedzele ni gupemba.


Likana laye la gu kwiriga guvbindra mafura, aholu monyo waye wa gu pimisa gu gira nyimbi; magana yaye ma gu tshamba guvbindra wulombe; aholu matshari ma lodzidwego.


Muthu nya mukanganyisi a gu siha gigaha gi tadego monyoni gwaye, monyoni gwaye a gu alakanyela wudambane.


Ambari a gu tshambisela gu ganela u nga khodwi, kholu monyoni gwaye, gu tade khu wulala nya gu enedze livbandre na dzimbili dzinyondro.


Ambari a gu zama gu siha manyala yaye, mithumo yaye nya guvivbe, yi na tugudwa khu vathu vatshavbo.


Khigyo gi girago gu ganedwa umo nya Libhuku nya Dzinyimbi dza Pfhumu Nungungulu gupwani: “Vhayebhi, tigoni ga Sufa, Arinoni, ni mikova nya sitsongwana saye


Khavbo avbo, Mosi a di va hakha, khuye: “Mwa gu girani kharato, mu soma nenu guya dwana mbeli ga Pfhumu Nungungulu,


aholu sithumi sago, moyo ni moyo, a na soma matshari guya nyimbitunu, mbeli ga Pfhumu Nungungulu, kha nga idzo u ganedego khidzo uwe, mune wangu.”


a va embela, khuye: “Va na Gadhi ni va na Rubheni, va gu tshatuga nanu Joridhani, moyo ni moyo wawe na somide matshari guya dwana mbeli ga Pfhumu Nungungulu, litigo li manega na li rude mbeli gwanu, enu mu na ningela gwawe litigo la Gileyadhi li khala thomba yawe.


Mandza nya dzifakazi ma na phela khayo gu mu veta, gasi gu mu songa; gu landrela mandza ya vathu vatshavbo; kharati, u na vbedza guvivba vbakari gwago.


Sanana sa Sawule a diri Jonatane, Isivi ni Malikisuwa; malina ya sanana saye nya vanyamahegyane va vavili a diri aya: Uye nya koma a diri uye Merabhi, uye nya nandra a diri uye Mikali.


Va na Israyeli va di ganela khu gyawe, khavo: “Mu mu wonide mwama wule, gani? Uye dzude guta vala Israyeli. Mufumeli a na ninga dzithomba nya dzingi ga wule a na gu mu palago. Gambe a na mu ninga nyamahegyane waye a khala mwangadzi waye ni gu tshipisa khupo ngamo ya babe waye tigoni ga Israyeli.”


Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.


Mwatshavbo mu guromo avba mu na dziti nya gukhenu khandri khu litshari mwendro giholoma Pfhumu Nungungulu a ningago khigyo gupala; kholu litunga khya Pfhumu Nungungulu, Uye a na ningela enu mwatshavbo mandzani gwathu.”


Sawule a di ganela, khuye: Nyi na mu ninga, a khala naphwi gasi mandza ya Vafilisitiya ma thega vbatshani gwaye. Khu guralo, Sawule a di embela Dhavhidhe, khuye: “Khoyu nya wuvili, muhuno, uwe u na khala mwane wangu.”


Sawule a di va embela, khuye: “Indrani mu ya embela esi Dhavhidhe, khenu: Mufumeli kha vbweti gukhuye u lowola, aholu a gu vbweta lizana misutu ya Vafilisitiya, yi khala gu dzi phodzela ga mufumeli ga valala vaye.” Khu magirelo yoyo, Sawule a di zama gukhuye Dhavhidhe a thegela mandzani ga Vafilisitiya.


Dhavhidhe a di duga ni masotshwa yaye vaya songa mazana mavili (200) Vafilisitiya, a wuya ni misutu yawe, ata yi bikela ga mufumeli gasi uye a khala mwane waye. Khu guralo, Sawule a di ninga Dhavhidhe mwanaye Mikali, gasi a khala mwangadzi waye.


Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.


Avbo Dhavhidhe a nga vbohago Zikalagi, a di rumela phango ga madhota ya Judha, ni ga dzipari dzaye, a va embela, khuye: Hakhani giningwa gegi nya phango hi phangidego ga valala va Pfhumu Nungungulu;


Lean sinn:

Sanasan


Sanasan