1 Samuweli 17:43 - Bhibhiliya Nya Guage

⁴³ A di wudzisa Dhavhidhe, khuye: “Gasi eni nyi yimbwa, nya gukala u nyi tela simbo, gani?” Mufilisitiya a di vala Dhavhidhe, a mu sambanyela khu vanungungulu vaye,

1 Samuweli 17:43 Iomraidhean Croise

Genesi 27:29

Mayigo ma na gu khozele, ma na khidzime mahundzu nya vathu mbeli gwago! Fumela vandriyago, mbelii gwago si na noge sanana sa mayi wago! A na vadwe oyu a na gu valago, a kategiswe oyu a gu kategisago.”

2 Samuweli 16:5

Avbo Dhavhidhe a nga vbohago Bhawurimi, gu di duga khu mule mwama moyo nya lifumbu la nyumbani ga Sawule, a nga bani na gu ranwa khu lina la Simeyi; mwamana wa Gera; a dita na gu yuyutela.

2 Samuweli 16:9

Khavbo avbo, Abhisayi, mwamana wa Zeruwa, a di embela mufumeli, khuye: “Khu ginani yimbwa yeyi nya gufe yi hembululago mufumeli wangu? Nyi digeni nyi vbindra nyi ya mu pila hungo.”

2 Samuweli 3:8

Khavbo avbo, Abhineri a di goroga ngudzu khu magana ya Isobhoseti a ganela, khuye: “Ina eni nyo va hungo nya yimbwa ya na Judha, gani? Kala na muhuno eni nyi nga gu girela wuhindzi ndranga ya babe wago Sawule, vandriyago, dzipari dzago, gima kha nya gu ningela mandzani ga Dhavhidhe, muhuno uwe u ngu nyi rwega nandru khu mahungu ya nyamayi yoyu.

2 Samuweli 9:8

Khavbo avbo, a di noga, khuye: “Kheni mani eni githumi gyago, nya gukala u khedza yimbwa nya gufe nya nga eni?”

1 Dzipfhumu 20:10

Bheni-Hadhadhi a di engedza a rumela myango guya embela Akabi, khuye: “Vanungungulu va na nyi vete khu tshivba nya yikhongolo, kudzudzwane wa Samariya wa gu enedza gu tadza mandza ya vadwani nya nyimbi va nyi landrelago.”

2 Dzipfhumu 8:13

Hazayeli a di hakha, khuye: “Eni githumi gyago na nyiri eni mani nya gukala nyi gira silo nya guthise nya nga isoso, olu nyi gu yimbwa ya walo?” Elizewu, a di mu embela, khuye: “Pfhumu Nungungulu a nyi yeyedzide gukhuye uwe u na bani na wuri mufumeli wa Siriya.”

Mavingu 26:2

Gukhwatshi khu ginyoni gi vbuvbago nyamba mbaka, gukhwatshi khu ndrewulewu guvbuvbani gwaye, kharato nugo guyuyuta nyambana gighelo, kha gu phasi gilo.

Mitengo 22:6

Gasi olu, hi ngu gu lomba gukhethu u ta khu guvbiredza u ta yuyutela vathu vava, kholu va na ni tshivba gu nyi vbindra. Khu guralo, eni kha nyi na dzi kodza gu va pala, ni gu va tutumisa tigoni momu, kholu nyi ngu dziti gukheni uwe, uye u mu kategisago, kategide, ni oyu u mu valago a vadwe.”

Valamuli 9:27

Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.

1 Samuweli 14:12

Vama nya vawoneleli va di embela Jonatane ni muphari nya matshari yaye, khavo: “Deluni eno gwathu gasi hita mu ninga gihevbudzo!” Jonatane a di embela muphari nya matshari yaye, khuye: “Hongole, landra khu hwane gwangu, kholu Pfhumu Nungungulu a va ningede mandzani gwa va na Israyeli.”

1 Samuweli 24:14

Aholu uwe mufumeli wa Israyeli, gasi khu mani u mu landrelelago? Yimbwa nya gufe, gani? Mwendro i tshowane, gani?

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”