1 Samuweli 16:20 - Bhibhiliya Nya Guage

²⁰ Jese a di mola buru a yi rwega sibaba, ni gigasi gimwegyo nya vbinyu, gumogo ni phongo mweyo, a si rumela ga Sawule khu mandzani ga Dhavhidhe, mwanaye.

1 Samuweli 16:20 Iomraidhean Croise

Genesi 43:11

Babe waye, Israyeli, a di khuye gwawe: “A gu bani ari kharato, ma tshambide! Girani, kharati: Thelani somboni gwanu mihandro yile nya yadi ya tigoni gwathu mu ya ningani mwama yoyo kha nga ndruwo: Mafura, wulombe, mafura nya gunungele, dzimendrwa, mavbudzu ni dzikarusu.

Mavingu 18:16

Avo va ningelago dzisagwati va gu tula dzindzila, dzi kodzago gu vboha kala ga vakhongolo nya vathu.

1 Samuweli 10:27

Aholu vathu nya guvivbedwe khu monyo, va di ganela, khavo: “A na dzi kodza kharini gu hi vbulugisa mwama yoyu?” Va di mu kanyisa va si dzumeli gu dusa miningelo va mu luva. Aholu Sawule kha nga khathala khavo.

1 Samuweli 10:4

Avo va na gu losa va gu ninga sibaba sivili, u na si hakhago khu mandzani gwago.

1 Samuweli 16:19

Khavbo avbo, Sawule a di rumela myango ga Jese ni magana yaya: “Nyi rumele mwanago Dhavhidhe, a havisago dzinvuta.”

1 Samuweli 17:18

Dzega gambe likhumi sibaba sesi nya gugirwe khu mahwe uya ningela muthangeli nya masotshwa yawe. U vbweta guti vandriyago va ngu wuga kharini, u nyi resela gitiviso.

1 Samuweli 25:18

Khavbo avbo, Abhigayili a di dzega khu guvbiredza mazana mavili sibaba, sigasi sivili nya wadwa nya vhinya, livbandre dzinvuta nya gu bani dzi dongisedwe, livbandre mipimo nya wuguvbi nya tirigu nya gudadatwe, lizana sitsatsa nya dziuvha, ni mazana mavili mirava nya dzindzawa, a si khiledza vbatshani nya dziburu,