1 Samuweli 14:49 - Bhibhiliya Nya Guage

⁴⁹ Sanana sa Sawule a diri Jonatane, Isivi ni Malikisuwa; malina ya sanana saye nya vanyamahegyane va vavili a diri aya: Uye nya koma a diri uye Merabhi, uye nya nandra a diri uye Mikali.

1 Samuweli 14:49 Iomraidhean Croise

1 Dzikoronika 8:33

Neri a di velega Khisi; Khisi a velega Sawule; Sawule a velega Jonatane ni Malikisuwa, Abhinadhabhi ni Esibhahali.

1 Samuweli 31:2

Vafilisitiya va di lundra Sawule gumogo ni sanana saye, va songa Jonatane, Abhinadhabhi ni Malikisuwa, sanana sa Sawule.

1 Dzikoronika 9:39

Neri a di velega Khisi, Khisi a velega Sawule; Sawule a velega Jonatane, Malikisuwa, Abhinadhabhi ni Asibahali.

1 Samuweli 25:44

kholu Sawule a di ningede nyamahegyane waye Mikali ngadza Dhavhidhe, ga Pilati, mwamana wa Layisi, wa tigoni ga Galimi.

1 Samuweli 18:27

Dhavhidhe a di duga ni masotshwa yaye vaya songa mazana mavili (200) Vafilisitiya, a wuya ni misutu yawe, ata yi bikela ga mufumeli gasi uye a khala mwane waye. Khu guralo, Sawule a di ninga Dhavhidhe mwanaye Mikali, gasi a khala mwangadzi waye.

1 Samuweli 19:12

Khavbo avbo, Mikali a di dusa Dhavhidhe khu gihogo, a mu reledza a thava a vbulugisa guralo.

1 Dzikoronika 10:2

Vafilisitiya va di lundra Sawule gumogo ni sanana saye, va songa Jonatane, Abhinadhabhi, ni Malikisuwa, sanana sa Sawule.