1 Samuweli 13:13 - Bhibhiliya Nya Guage

¹³ Khavbo avbo, Samuweli a di embela Sawule, khuye: U thumide wupumbu khu gumba landrisa nayo u ningidwego khu Pfhumu Nungungulu wago, naripwani u di yingiside, Pfhumu Nungungulu a di hadza gutiyisa mufumo wago ga va na Israyeli kala gupindruga.

1 Samuweli 13:13 Iomraidhean Croise

Genesi 31:28

Khu ginani u ngamba nyi diga nyi vbanganana ni sanana sangu nya vama niso nya vanyamayi? U thumide thumo nya wupumbu.

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

1 Dzipfhumu 18:18

Eliya a di mu hakha, khuye: “Khandri eni nyi vhilinganyisago va na Israyeli, aholu uwe ni nyumba ya babe wago, kholu mu digide milayo ya Pfhumu Nungungulu, mu landrela Vabhahali.

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 19:2

Muprofeti Jewu, mwamana wa Hanane, a di mu khinga, a embela mufumeli Josafati, khuye: Ina u na ni fanelo nya guphasedzele muthu nya guvivbedwe khu monyo ni gu gola vale va nyenyago Pfhumu Nungungulu, gani? Khu guralo, Pfhumu Nungungulu a gu gorogede ngudzu.

Joba 34:18

Khu mani a na embelago mufumeli, khuye: “Khu phasi gilo,” ni ga vathangeli, khuye: “Enu mu sighohi!”

Mavingu 12:8

Muthu a gu zundzwa khu kotani nya guti gwaye, aholu muthu nya guvivbedwe khu monyo, va na hembuludwa.

Mavingu 19:3

Wupumbu nya muthu wu ngu ghoha guvbanya gwaye, monyo waye wa gu wugela Pfhumu Nungungulu.

Isaya 39:5

Khavbo avbo, Isaya a di embela Ezekhiya, khuye: Nga yingisa iso si ganedwago khu Pfhumu Nungungulu nya Tshivba Yatshavbo, wari, khuye:

Jeremiya 18:10

vathu vovo va gumba yingisa lito langu, va thuma silo nya guvivbe mbeli gwangu, eni nyi na dzi laya nyi thindregisa makategwa nyi va dongisedego.

1 Samuweli 1:22

Aholu, Ana kha nga hongola, a di ganela, khuye: “Avbo nyi na gu digisago libele gyanana, nyi na hongola naye gasi gi kodza guya bikedwa mbeli ga Pfhumu Nungungulu, gi khala iyoyo matshigu yatshavbo nya guvbanye gwaye.”

1 Samuweli 13:12

nyi di ganela khu monyoni, kheni: “Olu Vafilisitiya va na relela Ghiligali va ta nyi dwanisa, na nyi si gu mani wuhigo wa Pfhumu Nungungulu; Khu guralo, khu gu wona mhango nyi di gurumedzwa gu ningela phaso nya guvbiswe.”

1 Samuweli 15:11

“Nyi ngu dzi laya kholu nyi nga emisa Sawule gu khala mufumeli, kholu a nyi wugede, a si landrisi sileletelo sangu.” Samuweli a di vbisega ngudzu, wutshigu watshavbo a lila ga Pfhumu Nungungulu.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.

1 Samuweli 15:28

Samuweli a di mu embela, khuye: “Muhuno Pfhumu Nungungulu pferude mufumo wago gasi gu a wu ningela ga mumbe nya wadi guvbindra uwe.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 26:21

Khavbo avbo, Sawule, a di hakha, khuye: “Nyi ghohide, wuya mwanangu Dhavhidhe, kholu kha nyi na engedza gambe gu gu girela iso nya guvivbe; kholu muhuno u wonide womi wangu na wuri ni lisima mahoni gwago. Esi nyi si giride khu wupumbu, nyi gira gighoho nya gikhongolo!”