1 Samuweli 12:24 - Bhibhiliya Nya Guage

²⁴ Igyo gi vbwetegago, ningani githawo Pfhumu Nungungulu, mu mu thumela na mu tumbegide khu monyo wanu watshavbo; kholu, mu wonide silo sesi nya sikhongolo a giridego.

1 Samuweli 12:24 Iomraidhean Croise

2 Dzipfhumu 17:39

Aholu mu na khozela Pfhumu Nungungulu wanu, Uye a na mi vbulugisani mandzani ga valala vanu vatshavbo.”

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 119:80

Monyo wangu wu na vbelele khu gu landrisa sileletelo sago, gasi nyi si thedwi dzitshoni. Caf

Ekisodha 12:13

Novba wa mudzinyumbani mu na bani muri umo, wu na khala giwonegiso nya gu mi vhikele: Nya gu wona novba, nyi na vbindra mbeli, enu mu vbuluga ga mhango nya gusonge, gikhati Eni nyi na mbembisago litigo la Egipito.

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Dhewuteronome 10:21

Pfhumu khuye wudhumo wago ni Nungungulu wago, kholu khuye a gu giredego silo sesi nya sikhongolo nya guthise, esi u si wonidego khu maho yago.

Dhewuteronome 29:1

Aya khu magana nya gidzumeledzwano, egi Pfhumu Nungungulu a rumidego Mosi gu gi tiyisa ni va na Israyeli, tigoni ga Mowabhi, gu diga nya gidzumeledzwano a gi tiyisidego navo gigomoni ga Horebhi.

Dhewuteronome 29:2

Mosi a di ramba vatshavbo va na Israyeli, a va embela, khuye: Mu wonide satshavbo esi Pfhumu Nungungulu a giridego mahoni gwanu tigoni ga Egipito, ga Faro, ga sithumi saye ni ga litigo laye latshavbo:

Vahebheru 12:29

Kholu, khu lisine, Nungungulu wathu, nilo nya gupfhungumule.

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.