1 Samuweli 12:21 - Bhibhiliya Nya Guage

²¹ Mu nga ndreyi, mu landra vanungungulu nya malipha gilo, si si phasigu gilo, ambari gu mu vbanyisa, kholu silo si si mi phasigo.

1 Samuweli 12:21 Iomraidhean Croise

2 Dzipfhumu 17:15

Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 46:7

Va mu vbagara magatani gwawe, va gu gimbilagimbila naye, ni avbo va mu vegago a gu khala avbo nyamba dzi khuta; ambari va mu girela nombelo, uye kha phindruli gilo; gambe kha vbulugisi ni moyo musigaradzoni gwaye.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Jona 2:8

Vale va khodwago khu sifananiso nyamba phasa gilo, va gu kanyisa wuhindzi wago.

Jona 2:9

Aholu, eni khu ndzimo yangu nya gubonge, nyi na gu girela miphaso; gisambanyo gyangu nyi na gi landrisa; guvbanyisa gwa guta khu ga Pfhumu Nungungulu.”

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

Dhewuteronome 11:16

Dzi woneleni myonyoni gwanu, gasi mu si phazamiswi mu thumela vambe vanungungulu, mu noga mbeli gwawe.

Dhewuteronome 30:17

Aholu, monyo wago wa gu ndreya, wu si yingisi, wu dzumela gu ndrindrwa wu ya khozela vambe vanungungulu ni gu va thumela,

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.