1 Samuweli 10:3 - Bhibhiliya Nya Guage

³ Wa guvbindra vbale uya mbeli, u vboha simboni nya nguhu wa Tabhori; avbovbo u nata manwa khu vama vararu va gwelago gasi guya khozela Nungungulu tigoni ga Bheteli, moyo nari ni dziphongo dzitharu, mumbe ni sibaba siraru, ni mumbe nari ni gigasi nya vbinyu.

1 Samuweli 10:3 Iomraidhean Croise

Genesi 28:19

Jakobe a di rana wulanga wule, khuye Bheteli, lidhoropa khu gale li nga bani li gu ranwa gupwani Wenengedzo.

Genesi 28:22

Giwindri gegi nyi gi tsitsidego kha nga lidingo nya gialakanyiso, gi na bani na giri Nyumba ya Nungungulu; ga satshavbo iso a na gu nyi ningago nyi na dusa nyi livba gipandre nya likhumi.

Genesi 35:1

Pfhumu Nungungulu a di embela Jakobe, khuye: “Khuga u gwela Bheteli, indra uya khala iyo. U naya vbaha iyo giluvelo gya Nungungulu a nga dzi wonegisago gwago gikhati u nga bani u gu tutuma khu guthava ndriyago Esawu.”

Genesi 35:3

Hongoleni hi khuge hi gwela Bheteli, nyi naya vbaha iyo giluvelo gya Nungungulu a nyi hakhidego litshigu nyi nga bani nyiri wuvini nya gutshaniseke gwangu, a nga nyi hetedzago dzindzilani gwatshavbo nyi gimbidego.”

Dzindzimo 89:12

Uwe u giride Wuronga ni Marandzi; sigomo sa Tabhori ni Herimoni si ngu womba mikulungwane si dhumisa lina lago.

Jeremiya 32:8

Khu guralo, gu di girega kha nga idzo a ganedego khidzo Pfhumu Nungungulu; a dita Hananeli, mwamana wa babedugwane wangu, ata nyi vbweta pasoni nyi nga bani nyi khothedwe a ta nyi embela, khuye: Olu renga gipeto gyangu gi guromo Anatoti, tigoni ga Bhejami; kholu u na ni fanelo nya gu gi dzege ni gu gi dzegisa. Khavbo avbo, nyi di alakanya gukheni esi a diri magana ya Pfhumu Nungungulu.

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 23:13

gumogo ni ningelo nya sipandre sivili nya likhumi nya efa nya wuguvbi nya gudadatwe wu sugidwego khu mafura, gasi gu khala ningelo nya guvbiswe nya gunungele gwadi wu salalegisago Pfhumu Nungungulu; ningelo nya wadwa nya gupime gipandre nya hini nya vbinyu.

Levhi 3:12

Aholu, ningelo a gu bani ari nya phongo nya ngadzi, a na yi ningela mbeli ga Pfhumu Nungungulu;

Levhi 3:6

Muthu a guya bikela ga Pfhumu Nungungulu ningelo nya phaso nya patano khu girengo nya gidugwana, fanede gu hatha matune mwendro ngadzi nyamba hasa.

Levhi 7:13

Gumogo ni girengo nya phaso nya pwanano egi muthu a ningelago khu gubonga. Pfhumu Nungungulu, fanede gu dusa gambe sibaba nya guthedwe mela.

Josuwa 19:12

Khu Saridi wu di ndreya wuya Khugadambo, gibugatunu nya lidambo, kala vbinganoni wa Kisiloti-Tabori, wu khuga khu Dhabherati, wu gwela kala Jafiya,

Josuwa 19:22

Vbingano wawe wu di vboha kala Tabhori, Sahazima ni Bheti-Semesi, wu ladza kala Joridhani; yatshavbo ma diri likhumi na livbandre na limwedo madhoropa, gumogo ni mitalala yaye.

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 20:27

Va na Israyeli va di wudzisa ga Pfhumu Nungungulu, kholu khu ga gikhati gyogyo ngasa nya gidzumeledzwano ya Nungungulu yi di gu khala Bheteli,

Valamuli 4:12

Avbo va nga tivisago Sisera gukhavo Bharaki, mwamana wa Abhinowamu, gwede gigomoni gya Tabhori,

Valamuli 4:6

Dhebhora a di rumela guya rana Bharaki, mwamana wa Abhinowamu, a nga bani na gu khala Kadesi wa na Nafitali, a mu embela, khuye: “Ina Pfhumu Nungungulu wa Israyeli, kha leletela a ganela, khuye: Dzega vathu u hongole navo gigomoni gya Tabhori, gumogo ni likhumi magumi mazana (10.000) vama nya sanana sa Nafitali ni sa Zebhuloni, gani?

Valamuli 8:18

Khavbo avbo, a di wudzisa Zebha ni Zalimuna, khuye: “Va di khade kharini vama vale mu va songidego tigoni ga Tabhori?” Va di hakha, khavo: “Va diri kha nga uwe, moyo ni moyo a di gu fanana ni gyanana gya mufumeli.”

1 Samuweli 10:4

Avo va na gu losa va gu ninga sibaba sivili, u na si hakhago khu mandzani gwago.