1 Samuweli 1:3 - Bhibhiliya Nya Guage

³ Mwama yoyu, myaga yatshavbo a di gu duga khu dhoropani gwaye a hongola Silo, gasi guya khozela Pfhumu Nungungulu nya Tshivba Yatshavbo ni gu Mu girela miphaso. Avbovbo si diromo sanana sivili sa Eli, Hofini ni Finiyasi, va diri vaphasi nya mhamba va Pfhumu Nungungulu.

1 Samuweli 1:3 Iomraidhean Croise

Dzindzimo 78:60

Kala a diga ni Tshatsha waye nya miphaso tigoni ga Silo, nyumba a nga bani a gu vbanyela umo vbakari nya vathu.

Ekisodha 23:14

Khu mwaga mu na gira guraru mibuzo nya gu nyi rungudze.

Ekisodha 23:17

Vama vatshavbo va tigoni gwago va na ta dzi bikela mbeli ga Pfhumu Nungungulu nya Tshivba Yatshavbo guraru khu mwaga.

Ekisodha 34:23

Vama vatshavbo va tigoni gwanu va na ta dzi bikela gwangu, guraru khu mwaga, mbeli ga Pfhumu Nungungulu, Nungungulu wa Israyeli.

Luka 2:41

Myaga yatshavbo vavelegi va Jesu va di gu hongola Jerusalema, khu gikhati nya Phasika.

Dhewuteronome 16:16

Vama vatshavbo va na gyanu, va fanede guya dzi wonegisa mbeli ga Pfhumu Nungungulu wago, nyondro tharu khu mwaga wulangani a na wu hathago, khu Buzo nya Sibaba nyambana Mela, ni ga Buzo nya Dzisemana, ni ga Buzo nya Mitshatsha; aholu u nga hongoli nyamba phara gilo mandzani gwago mbeli ga Pfhumu Nungungulu;

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Valamuli 18:31

Avo va di dzi emisela gifananiso gi nga vatwa khu Mika, gi di khala vbakari gwawe matshigu yatshavbo, avbo Nyumba ya Nungungulu yi nga manega dhoropani ga Silo.

Valamuli 21:19

Va di ganela, khavo: “Dhoropani ga Silo, womo buzo wu giredwago Pfhumu Nungungulu khu mwaga ni mwaga.” Lidhoropa li manegelago Wuronga ga Bheteli, khu phuvbo ga Khugadambo, ndzilani nya guye Bheteli ni Sikemi, khu Marandzi ga Libona.

1 Samuweli 1:21

Mwama waye Elikana, a di khuga gumogo ni ndranga yaye, aya ningela ga Pfhumu Nungungulu, ningelo nya phaso nya mwaga, a tadzisa gisambanyo gyaye.

1 Samuweli 1:9

Tshigu mwedo, na va vbedzide gu hodza ni gu sela tigoni ga Silo, Ana a di khuga a ema; muphasi nya mhamba Eli, a di khade vbagikhalotunu gwaye, vbafuvbi ni mwanya nya Tshatsha nya Guage.

1 Samuweli 14:3

Ayiya, mwamana wa Ayitubhi, ndruye wa Ikabhoni, mwamana wa Fineya, mwamana wa Eli, muphasi nya mhamba ya Pfhumu Nungungulu, dhoropani ga Silo, a diri ni keka nya wuphasi nya mhamba. Vathu va di si dziti gukhavo Jonatane a di hongode.

1 Samuweli 2:19

Mayi waye a di mu lugela gibhadzyana, khu mwaga ni mwaga a dita mu ninga gikhati a tago ni mwama waye va ta gira miphaso nya mwaga ni mwaga.

1 Samuweli 2:34

Iso si na giregago ga sanana sago, Hofini ni Fineya, si na bani siri giyeyedzo gwago; vatshavbo va nafa litshigu limwedo, gasi u khodwa gukhuwe esi nyi ganedego lisine.

1 Samuweli 3:13

Kholu nyi mu tiviside gukheni nyi na lamula ngamo yaye kala gupindruga, khu kotani nya guvivbe gwaye, kholu a di gu dziti nya gukhuye, sanana saye si di gu gira manyala, aholu a si si kawuki.

1 Samuweli 4:11

Ngasa ya Nungungulu yi di wandrwa, gu songwa sanana sa sivili sa Eli, Hofini ni Fineya.

1 Samuweli 4:4

Khavbo avbo, va di rumela vathu gu hongola Silo guya dzega Ngasa nya gidzumeledzwano ya Pfhumu Nungungulu nya Tshivba Yatshavbo, a khalago vbatshani nya dzikerubhimi. Sanana sa sivili sa Eli, Hofini ni Fineya, va diromo vbale va sayisa Ngasa ya Nungungulu.