1 Johane 2:2 - Bhibhiliya Nya Guage

² Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

1 Johane 2:2 Iomraidhean Croise

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

Johane 4:42

va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

Johane 12:32

Gasi eni, gikhati nyi na khusedzwago vbatshani, nyi na ndrindra vathu vatshavbo vata gwangu.”

1 Johane 5:19

Ethu hi ngu dziti gukhethu hi vathu va Nungungulu, ni gukhethu litigo latshavbo lomo vbavbatshi nya tshivba ya Sathane.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Levhi 16:10

Aholu wule wu hathidwego khu solo gasi gu ningedwa Azazeli, wu na bikedwa na wu gu vbanya mbeli ga Pfhumu Nungungulu, gasi guta girwa nayo nya guagiswe vbatshani gwaye, va hegisa va yi ghula yi hongola giwulani, yi khala ya Azazeli.

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

1 Johane 3:5

Enu mu ngu dzitini gukhenu Kristo a di dzi wonegisa gasi guta dusa sighoho sathu, nari gu uye mwalo gighoho.

Luka 14:22

Githumi gi di wuya gita, khigyo: ‘Pfhumu, nyi giride kha nga idzo u rumidego khidzo, aholu wu nga tshade wulanga.’