1 Dzipfhumu 9:3 - Bhibhiliya Nya Guage

³ Pfhumu Nungungulu a di mu embela, khuye: “Nyi pwide nombelo ni gilombo gyago, u lombidego mbeli gwangu. Nyi agiside nyumba yeyi u nyi giredego, gasi u kodze gu vega umo lina langu kala gupindruga; maho ni monyo wangu, si na khala avbo matshigu yatshavbo kala gupindruga.

1 Dzipfhumu 9:3 Iomraidhean Croise

1 Dzipfhumu 8:29

Gasi maho yago, wutshigu ni mihani, ma na tulege ma wona nyumba yeyi, ni wulanga wowu, u ganedego u thula uwo, khuwe: Lina langu li na khala vbale; gasi gupwa nombelo u giredwago khu githumi gyago wulanga wowu.

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

2 Dzipfhumu 21:7

Emiside gambe gifananiso nya simbo gya Asitaroti, Nyumbani ga Pfhumu Nungungulu, a ganedego ga Dhavhidhe ni ga mwanaye Solomoni, khuye: “Nyumbani momu, ni dhoropani momu ga Jerusalema, nyi gu hathide vbakari nya mahundzu yatshavbo ya Israyeli, gukheni nyi na vega Lina langu kala gupindruga.

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

2 Dzikoronika 6:40

Gasi olu, Uwe, Nungungulu wangu, maho yago ma na tulege, dzindzeve dzago dzi yingisa, nombelo yoyu nyi girago wulanga wowu!

Ezira 6:12

Nungungulu, uye a vegidego gu lina laye li khale vbale, a na these vbavbatshi vafumeli vatshavbo ni vathu vatshavbo avo va na gu khusago gyandza gyawe gasi gu vbindrugedza mahungu yaya va ghohetela Nyumba yoyo ya Nungungulu yi guromo Jerusalema. Eni Dhariyo nyi ningede gileletelo gegi, dzi garadzeni khu gu gi yingisa.

Dzindzimo 10:17

Pfhumu Nungungulu, yingisa nombelo wa gisiwana, va tiyise myonyo yawe, u va hakhe,

Dzindzimo 116:1

Nyi ngu mu haladza Pfhumu Nungungulu, kholu pwide lito nya nombelo wangu.

Dzindzimo 34:17

Va nya gululama va gu lila, Pfhumu Nungungulu a gu yingisa, a va tshula sigaradzoni sawe satshavbo.

Dzindzimo 65:3

Mithumo yathu nya guvivbe yi ngu hi lemela guvbindra pimo, aholu uwe u ngu hi tsetselela siwono sathu.

Dzindzimo 66:19

Aholu, Nungungulu a nyi yingiside ni gu hakha lito nya nombelo wangu.

Ekisodha 20:11

Kholu, khu livbandre na limwedo matshigu, Pfhumu Nungungulu giride ndzadzi ni mafu, linene ni satshavbo si guromo umo, a gu hefemula khu litshigu nya livbandre na mavili. Khu kotani nya kharato, Pfhumu Nungungulu kategiside litshigu nya Sabhadho a li agisa.

Ekisodha 29:44

Nyi na agisa Tshatsha nya Tshangano ni giluvelo; nyi na agisa Aroni ni sanana saye gasi va nyi khozela thumoni nya wuphasi nya mhamba.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 7:10

Khu hwane nya ugo, mu nguta emani mbeli gwangu, nyumbani momu yi ranwago khu lina langu mu ganela, khenu: Hi vbanyisidwe! Khu hwane mu nga gu simama gu girani manyala yatshavbo yaya?

Dhaniyeli 9:23

Guphelani nya milombelo yago, Nungungulu a gu ningide phindrulo, eni olu nya guta gu tivisa, kholu uwe u gigodwa. Khu guralo, olu yingisa esi nyi gu embelago gasi u wuti gwadi tshamuselo nya giwoniso.

Mitengo 16:38

Khu sombo soso nya libani va ghohidego khiso va luza ni womi, girani khiso sivbambato nya guleme khiso giluvelo; kholu si ningedwe ga Pfhumu Nungungulu, iso niso si na agiswa, gasi si khala gialakanyiso ga va na Israyeli.”

Matewu 6:9

“Khu kharato, lombelelani, kharati: ‘Baba wathu u guromo Ndzadzini, lina lago li na rungudzwe.

Johane 11:42

Nyi ngu dziti gukheni u ngu nyi yingisa gikhati gyatshavbo, aholu nyi di ganela esi khu kotani nya vathu va nyi randredego, gasi vatshavbo vakhodwe gukhavo khuwe u nyi rumedego.”

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Dhewuteronome 11:12

litigo li sayiswago khu Pfhumu Nungungulu wanu, maho ya Pfhumu Nungungulu wanu, momo avbovbo gikhati gyatshavbo, gukhugela guphelani kala guhegisani nya mwaga.

Dhewuteronome 12:11

Khu guralo, gu na manega wulanga wu na hathwago khu Pfhumu Nungungulu wanu, gasi guya vega avbo lina laye; ga wulanga wowo, mu na vbohisa satshavbo esi nyi mi leletelago a gu esi: Miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo yanu mu sambanyidego gu ninga Pfhumu Nungungulu.

Dhewuteronome 12:21

Wa gu bani wuri hwindzo wulanga owu Pfhumu Nungungulu wago, a wu hathidego gasi gu vega lina laye, u na paya dzimombe dzago ni dzinvuta dzago edzi Pfhumu Nungungulu a nga gu ningago, kha nga nyi gu leletedego; u na hodza ndrani nya lidhoropa lago, gukhedza khu gugola gwago gwatshavbo.

Dhewuteronome 12:5

aholu mu naya Mu vbwetani wulanga wule Pfhumu Nungungulu a na gu wu hathago vbakari nya mahundzu yanu yatshavbo, gasi gu vega avbo lina laye ni nyumba yaye; mu simama guya avbo.

Dhewuteronome 16:11

U na tsaka mbeli ga Pfhumu Nungungulu wago, uwe, gyanana gyago nya gikhwathana ni nyamahegyane wago, githumi gyago nya mwama, egi nya nyamayi ni Mulevhi a guromo dhoropani gwago, ni muluveli, dzikhulungu, ni vamalile va guromo vbakari gwago, wulangani owu Pfhumu Nungungulu wago a na gu wu hathago gu khala avbo lina laye.

1 Johane 5:14

Ethu hi na ni gutiya mbeli ga Nungungulu, kholu, ha gu lomba gilo maningano ni gudzina gwaye, hi na ni lisine nya gukhethu a ngu hipwa.