1 Dzipfhumu 9:1 - Bhibhiliya Nya Guage

¹ Avbo Solomoni a nga vbedzago guvbaha Nyumba ya Pfhumu Nungungulu, ni nyumba nya wufumu, ni satshavbo a nga suvago gu si gira,

1 Dzipfhumu 9:1 Iomraidhean Croise

1 Dzipfhumu 3:1

Solomoni a di gira wulongo ni Faro, mufumeli wa Egipito, a dzegana ni nyamahegyane wa Faro, a khala mwangadzi waye, a mu resa Dhoropani ga Dhavhidhe, kala a vbedza guvbaha nyumba yaye, ni Nyumba ya Pfhumu Nungungulu, gumogo ni libhiyo li dzundrulugelago Jerusalema.

1 Dzipfhumu 6:37

Giseketelo nya Nyumba ya Pfhumu Nungungulu, gi vegidwe khu ngima nya Zivi, khu mwaga nya wu na nya gufume ga Solomoni.

1 Dzipfhumu 7:1

Aholu Solomoni a di vbaha nyumba yaye, a yi vbedza khu likhumi na miraru myaga.

1 Dzipfhumu 7:2

A di vbaha gambe nyumba ya khabini ga Libhanoni, nya lizana (100) mikono gulapha, livbandre magumi (50) mikono guanama, ni magumararu (30) gukhugega vbatshani. Yi di vbahidwe vbatshani nya ndzarara dzina nya mithimba nya sedhari, guhandzegwa mapulango nya guvbingame nya sedhari avbo nya ndzarara nya madingo.

1 Dzipfhumu 7:51

Mufumeli Solomoni a di vbedza kharati thumo watshavbo a wu giridego wa Nyumbani ga Pfhumu Nungungulu. Khavbo avbo, mufumeli Solomoni a di resa sombo satshavbo nya guage sa babe waye Dhavhidhe, si ta Nyumbani ga Pfhumu Nungungulu a gu esi: Parata, ndralama ni mikanvu, a ta si vega wulangani nya dzithomba.

1 Dzipfhumu 8:66

Khu litshigu nya livbandre na mararu, a di tshula vathu va hongola, avo va di kategisa mufumeli, muthu ni muthu a bwelela tshatshani gwaye na tsakide, myonyo yawe na yi tangade khu kotani nya wuwadi watshavbo owu Pfhumu Nungungulu, a nga girelago githumi gyaye, Dhavhidhe, ni vathu vaye, va na Israyeli.

1 Dzipfhumu 9:10

Hwane nya magumavili myaga, avbo Solomoni a nga vbedzago guvbaha dzinyumba dza dzimbili, Nyumba ya Pfhumu Nungungulu ni nyumba nya wufumu,

1 Dzipfhumu 9:11

mufumeli Solomoni a di ningela ga Hiramo, mufumeli wa Tiro, magumavili madhoropa tigoni ga Galileya. Kholu Hiramo a ningide Solomoni mapulango nya sedhari ni ayo nya kipirisi ni ndralama mayelano khidzo a nga golago khidzo.

1 Dzipfhumu 9:19

gumogo gambe ni madhoropa yatshavbo nya guvegedzele umo matshari ma nga bani ma gu lumba Solomoni, madhoropa nya gukhale dzikareta, madhoropa nya vakhileli nya dzikavalu, ni satshavbo iso Solomoni a nga si suva guvbaha Jerusalema, Libhanoni ni tigoni gwatshavbo gu nga bani na gu fumwa khuye.

2 Dzikoronika 7:1

Avbo Solomoni, a nga vbedzago gu lombelela, wu di relela nilo khu ndzadzini wuta vbisa nyama nya miphaso nya guvbiswe ni yimbe miphaso, wudhumo wa Pfhumu Nungungulu, wu di tadza Nyumba yatshavbo.

2 Dzikoronika 7:11

Khu kharati, Solomoni a di vbedza thumo nya guvbahe Nyumba ya Pfhumu Nungungulu, ni nyumba nya wufumu, satshavbo a nga bani a si suvide gu gira Nyumbani ga Pfhumu Nungungulu ni nyumbani gwaye, si di girega satshavbo.

2 Dzikoronika 8:1

Hwane nya magumavili myaga, Solomoni a di vbedza guvbaha Nyumba ya Pfhumu Nungungulu gumogo ni nyumba yaye nya wufumu;

2 Dzikoronika 8:6

gumogo ni Bhahalati, ni yatshavbo madhoropa nya guvegedzele dzithomba a nga bani nari nadzo Solomoni, ni madhoropa nya gukhale dzikareta nya nyimbi, ni ayo nya gukhale vakhileli nya dzikavalu, ni satshavbo iso a nga si vbahago khu gugola gwaye, Solomoni a si vbahide Jerusalema, Libhanoni ni tigoni gwatshavbo gu nga bani gu fumwa khuye.

Muhevbudzi 2:10

Satshavbo si nga bani si godwa khu maho yangu kha nya si bomba, ni satshavbo si nga bani si godwa khu monyo wangu, gi mwalo nyi nga wu himbedzela, kholu nyi di gu tsaka khu thumo wangu watshavbo. Egi khigyo giavelo nya satshavbo soso.

Muhevbudzi 2:4

Nyi dzi girede silo sikhongolo, nyi dzi vbahela dzinyumba, nyi dzi limela marembwe nya vhinya.

Muhevbudzi 6:9

Nya sadi khu gu wona silo khu maho, guvbindra gu si dogorela khu monyo. Aholu esi niso gu dzi pfhadza, kha si phasi gilo, gututuma hwane nya phuvbo yi vbindrago.