1 Dzipfhumu 7:16 - Bhibhiliya Nya Guage

¹⁶ A di nyegisa mihungo mivili nya sugu a yi handzega vbatshani nya madingo, gukhugega nya hungo ni hungo, a diri ni pimo nya livbandre mikono.

1 Dzipfhumu 7:16 Iomraidhean Croise

1 Dzipfhumu 7:15

A di gira madingo mavili nya sugu nya gupfhudwe; ya mavili ma diri ni pimo moyo, likhumi na livbandre na miraru (18) mikono gukhugega, gugula ma di dzongeledzedwa khu sifi nya likhumi na mivili (12) mikono.

1 Dzipfhumu 7:17

A di mburisela mihungo yi handzegidwego vbatshani nya madingo khu siniya nya gulugedwe kha nga makhetshe; livbandre na sivili siniya ga hungo nya guphele ni livbandre na sivili siniya ga hungo nya wuvili.

Ekisodha 36:38

Gasi gu ghwimba mwendra wowu, va di gira livbandre madingo ni sikhweletedzo sakone; va yi londra khu ndralama mihungo yakone, ni mitalatsi, aholu dzitshina dzakone nya livbandre dzi di girwa khu sugu.

Ekisodha 38:17

Dzitshina nya madingo, dzi di girwa khu sugu, sivbaregedzo nya madingo ni mitalatsi yakone yi diri ya parata.

Ekisodha 38:19

Madingo ya mana ni dzitshina dzakone, dzi diri dza sugu, sivbaregedzo saye si diri sa parata, mihungo nya madingo yi di londrwa khu parata ni mitalatsi yakone.

Ekisodha 38:28

Khu dzile nya likhumi na livbandre na mavili magumi mazana ni livbandre na mavili magumi ni livbandre (1775) dzisekeli, gu giridwe sivbaregedzo nya madingo, ni gu londra mihungo nya madingo, ni gu gira mitalatsi nya guhunge madingo.

Jeremiya 52:22

Ma diri ni mihungo nya sugu khu vbatshani gwaye, gulapha nya hungo ni hungo wu diri ni livbandre mikono; gihuto ni sihenge; satshavbo si diri nya sugu, lidingo nya wuvili li di gu fanana ni gihenge.