1 Dzipfhumu 5:7 - Bhibhiliya Nya Guage

⁷ Avbo Hiramo, a nga pwago mahungu yaya ya Solomoni, a di tala khu gutsaka ngudzu, a ganela, khuye: “A na rungudzwe Pfhumu Nungungulu, a ningidego Dhavhidhe gyanana nya gutale khu mapimo gasi gu fumela vathu vava nya gutale ngudzu!”

1 Dzipfhumu 5:7 Iomraidhean Croise

Genesi 33:5

Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

1 Dzipfhumu 1:48

Mufumeli a di ganela gambe, khuye: A na bongwe Pfhumu Nungungulu wa Israyeli, a dzinidego gukhuye maho yangu muhuno nyi wone uye a tshinyidzago vbagikhalotunu gwangu nya wufumu.”

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

1 Dzipfhumu 4:7

Solomoni a diri gambe ni likhumi na dzimbili dzindruna a nga dzi emisago tigoni gwatshavbo gwa Israyeli, avo khavo va nga bani va dzi emiside guwonelela satshavbo esi si vbwetegago ga mufumeli ni ndranga yaye yatshavbo. Va di kabana khu migima nya mwaga, moyo ni moyo a di khedzisela ngima waye gasi gu vbweta ni gu resa satshavbo si vbwetegago.

1 Dzipfhumu 5:6

Gasi olu leletisa sithumi sago si nyi pilela misimbo nya sedhari ya Libhanoni, sithumi sangu si na thuma gumogo niso sago, nyi na si livba tengo nya thumo wawe, gukhedza khidzo uwe u na gu lombago, kholu u ngu dziti gwadi gukhuwe eno gwathu mwalo na moyo a kodzago guvata mapulango nga Vasidhoni.”

1 Dzipfhumu 5:8

Hiramo a di rumela myango ga Solomoni, khuye: “Nyi ma pwide mahungu u rumedego guta nyi embela. Nyi na gira gu gola gwago gwatshavbo khu mahungu nya mapulango nya misedhari ni kipirisi.

Dzindzimo 137:6

Nya gumba gu alakanya uwe Jerusalema, lidimi langu li na tsharamele kanani gwangu, nya gumba tsakela uwe guvbindra silo satshavbo.

Mavingu 10:1

Gyanana nya guti, gya gu tsakisa babe wagyo, aholu igyo nya gipumbu gya gu swihadza mayi waye.

Mavingu 13:1

Gyanana nya guti gya gu yingisa sihevbudzo sa babe waye, aholu uye nya muhembululi, kha khathali khu gu kawukwa.

Mavingu 15:20

Gyanana nya mapimo gya gu tsakisa nyehe waye, gasi igyo nyambana mapimo, gya gu thela dzitshoni mayi waye.

Mavingu 23:24

Uye a velegidego gyanana nya mapimo a na nengela ngudzu, ni uye a velegidego gyanana nya guti, a na tsaka khigyo.

Isaya 8:18

Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”