1 Dzipfhumu 3:12 - Bhibhiliya Nya Guage

¹² Eni nyi na gu ninga ugo u lombago; nyi na gu ninga monyo nya wugengeli ni mapimo ngudzu nya gu gima, gu si gu manegi muthu nya gufanane nago, ambari khu hwane gwago kha na nga manega gambe nya nga uwe.

1 Dzipfhumu 3:12 Iomraidhean Croise

1 Dzipfhumu 2:6

Uwe gira gukhedza khu guti gwago, aholu u nga dzumedzisi gukhuwe ndzudzu waye nya dzinvi wu relela thowoni khu gurula.

1 Dzipfhumu 2:9

“Aholu uwe olu u nga mu sayeli nga muthu nyambana nandru. Uwe u muthu nya guti u na siti iso u na gu girago khuye. Ambari a gumbidego, mu gire ndzudzu waye nya dzinvi wu relela thowoni na wu fuvide khu novba.”

1 Dzipfhumu 3:28

Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 5:12

Pfhumu Nungungulu a di ninga guti Solomoni kha nga a nga mu tumbisago. Gu di manega gurula ga Solomoni ni Hiramo, khu wuvili wawe va gira gidzumeledzwano.

1 Dzipfhumu 5:9

Sithumi sangu si na dzega mapulango si ma reledza gukhugela Libhanoni, si ma vbohisa phwani, khu iyoyo nyi na ma khiledza khu sitataru kala wulanga u na wu vbwetago, va naya ma tshisela iyoyo; u ma hakha avbovbo. Uwe nuwe u na tadzisa gugola gwangu khu guhodzisa ndranga yangu.”

1 Dzikoronika 29:25

Pfhumu Nungungulu a di khusedza ngudzu Solomoni vbakari ga va na Israyeli vatshavbo, a dandrisa wufumu waye guvbindra vafumeli vatshavbo va fumedego Israyeli na si gu fumi uye.

2 Dzikoronika 2:12

Hiramo a di engedza, khuye: A na bongwe Pfhumu Nungungulu wa Israyeli, a giridego ndzadzi ni mafu, a ningidego mufumeli Dhavhidhe, mwamana nya guti ni mapimo, a na vbahago Nyumba ya Pfhumu Nungungulu, gumogo ni nyumba yaye nya wufumu.

Nehemiya 13:26

Khandriso esi si nga ghohisa Solomoni mufumeli wa na Israyeli, gani? Vbakari nya mayigo yatshavbo yi mwalo pfhumu yi nga bani yi fanana naye. A di godwa ngudzu khu Nungungulu waye, a mu wumbela gu khala mufumeli wa Israyeli watshavbo. Khu guralo uye a di ghohiswa khu vanyamayi nya mambe mafumbo.

Dzindzimo 10:17

Pfhumu Nungungulu, yingisa nombelo wa gisiwana, va tiyise myonyo yawe, u va hakhe,

Mavingu 2:6

Kholu Pfhumu Nungungulu khuye a ningago guti, guti ni gupimisa sa gu dugela khavbo Gwaye.

Muhevbudzi 1:13

nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 1:16

Nyi di alakanya khu monyoni gwangu, kheni: Nyi dzi girede wugengeli nya wukhongolo guvbindra vatshavbo va fumidego omu Jerusalema nyi si gu vbohi eni. Nyi hevbude ngudzu nyi mana mano ni wugengeli.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Matewu 12:42

Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Dhewuteronome 34:9

Josuwa, mwamana wa Nuni, a di tala khu liphuvbo nya guti, kholu Mosi a di mu handzegide mandza; va na Israyeli va di mu yingela va landrisa kha nga idzo Pfhumu Nungungulu a nga bani a leletede khidzo Mosi.

Vakolosi 2:3

wu sihidwego gwaye wufumu watshavbo nya dzithomba nya guti ni gupima.