1 Dzipfhumu 21:2 - Bhibhiliya Nya Guage

² Akabi a di ganela ni Nabhoti, a mu embela, khuye: “Nyi ninge lithembwe lago nya miuvha li khala lithembwe langu, kholu lomo vbafuvbi ni nyumba yangu. Wulangani nya ilo, nyi na gu ninga lawalo nya guvbindre eli; wa gu dzina gambe nyi na gu ninga khu dzitsapawu, tengo wu ninganago ilo.”

1 Dzipfhumu 21:2 Iomraidhean Croise

Genesi 16:6

Abrama a di mu hakha, khuye: “Githumi gyago gyomo mandzani gwago; gira gugola gwago khu igyo.” Khavbo avbo, Sarayi a di gi tshanisa a gu gi tshonegisa. Agari a di khuga a gu thavela hwindzo.

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

1 Dzipfhumu 21:3

Aholu, Nabhoti a di embela Akabi, khuye: “Pfhumu a na nyi tsetselele, kholu eni kha nyi dzi kodzi gu gu ninga thomba ya vababe vangu.”

1 Dzipfhumu 21:6

Uye a di mu hakha, khuye: “Kholu nyi nga ganelago ni Nabhoti wa Jezireyeli, kheni: Nyi rengisele lithembwe lago nya miuvha khu dzitsapawu; ni gu, wa gu dzina, nyi na gu ninga limbe lithembwe li tshikedza ilo. Aholu uye a di khuye: Kha nyi na gu ninga lithembwe langu.”

2 Dzipfhumu 9:27

Avbo Akaziya, mufumeli wa Judha, a nga wonago esi, a di tutuma khu ndzila yi thononago Bheti-Hagani. Aholu Jewu a di mu landra a mu lundra, khuye: “Mu songeni nuye karetani gwaye.” Va di mu bayisa na gu gwela Guri, gu khadego vbafuvbi ni Ibhileyamu, a thava a tutumela Megidhu aya fela iyoyo.

Ekisodha 20:17

U nga dogoreli nyumba ya muthu kwanu. U nga dogoreli mwangadzi wa muthu kwanu; mwendro githumi gyaye nya mwama mwendro nya nyamayi, ambari mombe yaye, mwendro buru yaye, mwendro gimbe gilo gi mu lumbago, u nga gi dogoreli.

Muhevbudzi 2:5

Nyi limide marembwe, nyi yala misimbo nya mihandro nya mafumbu yatshavbo.

Gizimba 4:15

U tsongo wu theledzelago marembweni, u nambo nya mati ma vbanyago, tsongo wu dugelago Libhanoni.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Dhewuteronome 11:10

Kholu litigo mu yago ga ilo kha li fanani ni litigo la Egipito, mu dugidego khumo, omu mu nga phaya mbewu yanu, mu yi theledzela mati khu migondro yanu, kha nga idzo va theledzelago khidzo lithembwe.

Dhewuteronome 5:21

U nga naveli mwangadzi wa muakelane wago, ambari gu navela nyumba ya muthu kwanu, ambari lithembwe laye, ambari githumi gyaye nya mwama mwendro nya nyamayi, ambari mombe yaye, ambari buru yaye, ambari ni gevbini gilo gi mu lumbago.

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

1 Samuweli 29:6

Khavbo avbo, Akisi a di rana Dhavhidhe a mu embela, khuye: “Nyi ngu sambanya khu Pfhumu Nungungulu a vbanyago, gukheni uwe u lulamide, nyi di gu wona gukheni gu diri gwadi gu longoloka neni nyimbini momu; kholu gimwalo gihoso ni gimwegyo nyi gi manidego avbo gwago, gukhugela litshigu u vbohidego avbo gwangu kala muhuno; aholu manganagana yangu, kha ma tsaki khuwe.”

1 Samuweli 8:14

A na dzega malime yanu nya gunone ni marembwe yanu mu phayago miuvha, ni ayo nya miolivha yanu, a si ningela ga vathumegeli vaye.

1 Samuweli 8:6

Magana yaya kha ma tsakisa Samuweli, avbo va nga, khavo: Hi emisele mufumeli, gasi a hi fumela. Khu guralo, Samuweli a di lombelela ga Pfhumu Nungungulu.