1 Dzipfhumu 19:8 - Bhibhiliya Nya Guage

⁸ Eliya a di wuga a hodza ni gu sela. Guhodza gule gu di mu ninga tshivba nya yikhongolo gasi gu gimbila magumana matshigu ni magumana wutshigu, kala guya vboha Horebhi, gigomoni gya Nungungulu.

1 Dzipfhumu 19:8 Iomraidhean Croise

1 Dzipfhumu 17:6

Vanyamahigonganye vadi mu resela guhodza ni nyama vbadzimindrutunu ni vbasilambotunu, a sela mati nya gitsongwana.

1 Dzipfhumu 19:7

Ngilozi ya Pfhumu Nungungulu yi dita mu kuha nyaluphye, yi mu embela, khiyo: “Wuga u hodze, kholu u ngari ni pfhukha nya wukhongolo gu gimbila.”

Ekisodha 19:18

Gigomo gyatshavbo gya Sinayi gi di fenengedzwa khu wutshi, kholu Pfhumu Nungungulu a di tshiga avbo vbakari nya nilo. Wutshi wakone wu di lita wu tuvigela vbatshani kha nga wa vbagikhotunu, ni gigomo gyatshavbo gi di ndrendremela ngudzu.

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 3:1

Mosi a di gu havisa dzinvuta dza sade waye Jetro, muphasi nya mhamba wa Medhiyani. Tshigu mwedo a di ghula dzinvuta a guya hwindzo ngudzu, mugiwulani kala a vboha gigomoni ga Horebhi; gigomo gya Nungungulu.

Ekisodha 34:28

Mosi a di khala vbafuvbi ni Pfhumu Nungungulu magumana matshigu wutshigu ni mihani, a hala nyamba hodza gilo, nyamba sela mati, a di lovetela vbasiwindritunu magana nya gidzumeledzwano, a gu milayo nya likhumi.

Ekisodha 4:27

Khavbo avbo, Pfhumu Nungungulu a di embela gambe Aroni, khuye: “Indra u khinga Mosi giwulani.” Uye a di duga aya mu mana gigomoni gya Nungungulu, a mu bhejari.

Dhaniyeli 1:15

Hwane nya likhumi matshigu, gu di wonega dzikhovbe dzawe nari idzo dzi khalegidego gwadi, na va enide gwadi guvbindra madzaha ma nga bani ma gu hodza guhodza ga nyumbani ga mufumeli.

Matewu 4:2

Na hade magumana matshigu, wutshigu ni mihani. Jesu a di pwa ndzala.

Marko 1:13

Iyo a ngaya khalago magumana matshigu vbakari nya sirengo nya likhabi na gu lingwa khu Sathane, dzingilozi dza Nungungulu dzi di mu thumela.

Luka 4:2

iyo a ngaya khalago magumana matshigu, a gu lingwa khu Sathane. Kha nga hodza gilo matshigu yoyo yatshavbo. Guhegisani a di pwa ndzala.

2 Vakorinto 12:9

Aholu, uye a di nyi hakha, khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.

Dhewuteronome 9:18

Nyi diya dzi thesa gambe mbeli ga Pfhumu Nungungulu, nga gikhati nya guhegule, nyi vbedza magumana matshigu, wutshigu ni mihani, nyamba hodza guhodza, nyamba sela mati, khu kotani nya sighoho sanu mu si giridego mahoni ga Pfhumu Nungungulu, mu gira silo nya gunyenyeze.