1 Dzipfhumu 19:5 - Bhibhiliya Nya Guage

⁵ Eliya a di lala vbavbatshi nya simbo, a gu wongomedwa khu ligovbe. Khu githugedza ngilozi ya Nungungulu yi di mu kuha yi mu embela, khiyo: Wuga u hodza.

1 Dzipfhumu 19:5 Iomraidhean Croise

1 Dzipfhumu 19:4

A di gimbila gipimo nya litshigu rumba giwulani, aya khala mutsani nya simbo a lomba gufa. Khavbo avbo, a di lomba kharati, khuye: “Olu basi, Pfhumu Nungungulu! Dusa womi wangu, kholu kha nyi sizi gilo guvbindra vavelegi vangu.”

1 Dzipfhumu 19:6

Eliya a di khedzisa maphuvbo yatshavbo, a wona gibaba nya guvawudwe vbatshani nya magala ni khokho nya mati mihungotunu gwaye. Uye a di hodza ni gu sela, a lala gambe.

Dzindzimo 34:10

Singhalana si ngu hamuga sipwa ndzala, Aholu gimwalo gi kenelelago ga avo va vbwetago Pfhumu Nungungulu.

Dzindzimo 34:7

Ngilozi ya Pfhumu Nungungulu ya gu vhikela vale va mu ningago githawo yi va vbanyisa.

Dhaniyeli 8:19

A nyi embela, khuye: “Nya gu vbweta gu gu embela iso si na dugelelago khu gikhati nya guhegise, a gu matshigu nya likhulo, kholu ayo ma na tadzisega khu gikhati gi vegisidwego nya mahegiso.”

Dhaniyeli 9:21

na nyi nga gu lombelela, a dita Gabriyeli, mwama yoyu nyi nga bani nyi mu wonide guhegulani khu giwoniso, na gu vbuvba khu guvbiredza ata nyi kuha khu gikhati nya phaso nya silambo.

Zakariya 4:1

Ngilozi yi nga bani yi ganela ni eni, yi dita gambe yi ta nyi wusa gukhwatshi khu muthu a wuswago ligovbeni gwaye.

Mithumo 12:7

Khavbo avbo, yi di tumbuluga ngilozi ya Pfhumu, lipaso li di wenengedzwa khu safa; ngilozi ya Nungungulu yi di kuha limbambo la Pedro, yi mu wusa yi mu embela, khiyo: “Khuga u eme khu guvbiredza.” Khavbo avbo, dzitshinga dzi di thega khu mawogoni gwaye.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”