1 Dzipfhumu 19:2 - Bhibhiliya Nya Guage

² Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

1 Dzipfhumu 19:2 Iomraidhean Croise

2 Samuweli 19:13

Embelani Amasa khenu gasi uwe khundri marambo yangu, ni nyama yangu, gani? Nungungulu a na nyi tsayise ngudzu, uwe wa gumba emiswa gu khala muthangeli nya nyimbi mbeli gwangu kala gupindruga, wulangani wa Jowabhi.”

2 Samuweli 3:9

Nungungulu a na nyi tsayise khu tshivba eni Abhineri, nya gumba gira iso Pfhumu Nungungulu a sambanyidego ga Dhavhidhe,

1 Dzipfhumu 2:23

Khavbo avbo, Solomoni a di sambanya khu Pfhumu Nungungulu a vbanyago, khuye: “Nungungulu a na nyi tsayise khu tshivba nya gulamule gwaye, Adhoniya a gumba livba magana yaya khu womi waye.”

1 Dzipfhumu 2:28

Mahungu yaya, ma di vboha ga Jowabhi, kholu uye a di gu landrela Adhoniya, ambari ulo a nga bani a si landreli Abhisalamo. Jowabhi a di thava a tutuma aya bela Tshatshani wa Pfhumu Nungungulu aya mola dzikheho nya giluvelo.

1 Dzipfhumu 20:10

Bheni-Hadhadhi a di engedza a rumela myango guya embela Akabi, khuye: “Vanungungulu va na nyi vete khu tshivba nya yikhongolo, kudzudzwane wa Samariya wa gu enedza gu tadza mandza ya vadwani nya nyimbi va nyi landrelago.”

2 Dzipfhumu 19:22

Khu mani u mu vadego ni gu mu tsorodzela? Khu mani u mu khusedzedego lito? Khu mani u mu ronogedego? U vbweta gu dwana ni uye a Agidego wa Israyeli.

2 Dzipfhumu 6:31

Khavbo avbo, uye a di ganela, khuye: “Nungungulu a na nyi vete khu tshivba, muhuno hungo wa Elizewu, mwamana wa Safati, wa gu simama wu khala magatani gwaye.”

Ekisodha 10:28

Khavbo avbo, Faro a di embela Mosi, khuye: “Khuga mbeli gwangu! Dzi wonele, u nga engedzi gambe, ni litshigu limwedo gu wona khovbe yangu, kholu litshigu lolo u na wonago khovbe yangu, dziti nya gukhuwe u fude.”

Ekisodha 15:9

Nala a di khuye: Nyi na va tutumisa, nyi na va mola nyi va phanga; hefemulo wangu wu na khura khu avo, nyi na homola litshari langu nyi va mbembisa; nyi na va songa khu mandza yangu.

Mavingu 27:1

U nga dzi zundzi khu litshigu la mindru, kholu litshigu la muhuno khu siti iso si na gu dugelela.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 26:21

Mufumeli Jowakimi na pwide magana yaya ya Uriya uye gumogo ni dzindrena dzaye dzatshavbo ni manganagana yatshavbo, mufumeli a di vbweta dzindzila nya gu mu songe; aholu avbo Uriya a ngapwago esi, a di tala khu hwanga a thavela tigoni ga Egipito.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Rute 1:17

Avbo u na felago avbo, a neni nya gu vbweta gufela avbo, nyi dzingwa avbovbo neni. Pfhumu Nungungulu a na nyi tsayise ngudzu, gambe a engedzela nya gukala nyi dzumela silo nya nga esi, gu nyi hambanisa nago vbavbandze nya lufu.