1 Dzipfhumu 13:8 - Bhibhiliya Nya Guage

⁸ Aholu muthu wa Nungungulu a di phindrula mufumeli, khuye: Ambari nari gupwani u di nyi ninga gipandre nya ndranga yago, gima nya sa dzumela gu hongola nago, ambari gu hodza guhodza ni gu sela mati wulanga wowu.

1 Dzipfhumu 13:8 Iomraidhean Croise

1 Dzipfhumu 13:9

Kholu Pfhumu Nungungulu a nyi leletede kharati khu magana yaye, khuye: “U nga hodzi guhodza, ni gu sela mati ni gu wuya khu ndzila u nga hongolago khiyo.”

2 Dzipfhumu 5:16

Aholu uye a di mu hakha, khuye: “Nyi ngu sambanya khu Pfhumu Nungungulu a vbanyago, uye nyi mu thumelago, kheni kha nyi na hakha gilo.” A di mu gurumedza gukhuye a dzege, aholu uye a di bomba.

Dzindzimo 141:4

U nga digi monyo wangu wu dogorela guvivba; nyi nga hengeli ni va nya guvivba mithumoni gwawe, mwendro gu hodza navo mibuzo yawe.

Ekisodha 5:3

Avo va di mu embela gambe, khavo: “Nungungulu wa Vahebheru a dzi wonegiside gwathu; hi dzumedzise hi duga hi endra matshigu mararu mugiwulani hi ya girela miphaso nya dzimhamba Pfhumu Nungungulu wathu, gasi a si hi bayisi khu mitungu mwendro khu matshari.”

Ekisodha 5:6

Khu litshigu lolo kamwe, Faro a di laya dzindruna ni vathangeli nya litigo, khuye:

Ekisodha 7:2

Uwe u na ganela satshavbo esi nyi na gu rumago, ndriyago Aroni a na si tivisa ga Faro gasi uye a dige sanana sa Israyeli si duga tigoni gwaye.

Mitengo 22:18

Bhalahama a di embela sithumi sa Bhalaki, khuye: “Ambari nari pwani Bhalaki a di nyi ninga nyumba yaye na yi tade khu ndralama ni parata, gima kha nyi na hambanisa sileletelo sa Pfhumu Nungungulu wangu, khu gu gira gilo nya gikhongolo ambari nya gidugwana.

Mitengo 22:8

Aholu uye a di va embela, khuye: “Khalani avba wutshigu wowu nyi na ta mi ningani phindrulo nya idzo Pfhumu Nungungulu a na gu nyi embelago khidzo.” Khavbo avbo, vasingalagadzi va Mowabhi va di khala ni Bhalahama.

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

Marko 6:11

Ni evbini va na gumba mi hakha ni gu mi yingisa, gikhati mu dugago, phuphuthani kudzudzwane vbavbatshi nya migondro yanu gasi gu khala wukustumunyu gwawe.”

Marko 6:23

A di sambanya gwaye, khuye: “Ni gevbi u na nyi lombago nyi na gu ninga, ambari nari gipandre nya mufumo wangu! Nyi na gu ninga.”