Mattayo 18:3 - Bibliyeeda Ghaydit

³ ak gwayi, “Aba huumwa geayeeshiineegwa, Iimoayami geat ea awuurjeewana diibiga, ea majaghanyi aweayeena jeeda sugoocheanduumeeda humng'eeda.

NEAJEEDA EESH BEA BUUNEESSEAN

³ ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda.

Mattayo 18:3 Iomraidhean Croise

1 Betro 2:2

Gawuurji diibiga manang'i siji ghamneawa, agassa eanooga miyaasiin bea guroorooda, ak abeeda goohissiini heeda lealeanooda;

Mattayo 19:14

gwayeesha Yesu, “Anung'waada diibiga manang'i ghapka heedeanyu, adoakghuumnyi; aba gideaba fuga uurji suh sugoocheanduumeeda humng'eeda daanyaawa.”

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuwa diibiga aba ng'asheega munyas, nea aba fughareengeagwa ghoahuuyi fuga hees.

NYIIGHEEGA 131:2

Ak ea naabwati ng'eanyi gurooroodeanyu ghwasiinda, gawuurji baleanda mida daghata ghaamwat; gawuurji baleanda siishuukghu asi nih giduurji gurooroodeanyu.

Yohaana 3:5

Ghwasha Yesu ak gwayeesha, “Aba huumwa, aba huumwa, geayeeshiineey, siida iimeejiilana beega ea Guroorooda ea mayghoammu gawa jeeda sugoocheanduumeeda ASEETA.

Yohaana 3:3

Ghwasha Yesu ak gwayeesha niny, “Aba huumwa, aba huumwa geayeeshiineey siida iimeebiikta eeji deaba iyeenya ea mayghwadaah sugoocheanduumeeda ASEETA.”

Lukka 13:24

“Amilmiliita ak goosikchi gidaghuuta mwanang'; aba gideaba geayeeshiineegwa, gaygagasa fuga saang'a gwasik ak ea mayghoamu.

Gadiyeeda Giijasoodiga 3:19

Asi aduukuunana, ak goobiikti ayamni geat, ak abeeda geegeanda riing'eegeagwa, ak abeeda ghwahidu damanda hawdeayda jea gwaleabu heeda Ng'utamiida,

Gadiyeeda Giijasoodiga 28:27

Aba gideaba gurooruunatkeaba fiisu eahang'oonyi, nea iidiga nyaawa ea durumani aba iing'shooda, nea gheanyanga nyaawa ea nidukuta; ak ea mwadaaha aba gheanyanga nyaawa, ak ghwayiiy aba iidiga nyaawa, ak ghwanal aba gurooruunatka nyaawa, ak gwayamsean geat ak gaheaba.’

Yohaana 1:51

Hean gwayeesha niny, “Aba huumwa, aba huumwa, geayeeshiineegwa, gajadaaha nea ghwajaada humng'eeda, ak gajadaaha malaykajeega ASEETA heeda mwascheeng'da suurja ghwararang'aan ghapka heeda Orjeeda Siida.”

Mattayo 5:20

Aba gideaba geayeeshiineegwa, doobiiwnateang'wa iimaburdeawana dea ng'oorshoodiga ea dea Farisaayajeega, majaghanyi aweayeena jeeda sugoocheanduumeeda humng'eeda.

Lukka 22:32

ak aniini ea naamwaashchi ASEETA ea mwasuunya masaweagaagu, ama iibiiksean giimajeegi orjooga geamadu.”

Marko 4:12

Ghoaw ramoraneeda ghayi sirukuta bea gideaba, fiisu gayghoang'wearda muuchi, ak ea mayghwadaah gil. Iidiga nyaawa gaygwayiing'shi muuchi, ak ea manda gili jea gwajeeng'u. Ghang'wana gwachi gwayamsa geat ASEETA ak gwasamsa riing'eega nyaawa.”

2 Betro 1:11

ak gajanyasa muuchi beata jeeda sugoocheanduumeeda manda muudeanooda bea Ng'utamiideanya ea lealnoocheandeanya was Yesu Gristo.

Gadiyeeda Giijasoodiga 14:22

hean goomajeek gurooruunatka giinealanga, nea goobaloola gideaba oopiidana jeeda masaweega, ak gwayeesha gajeanyasa sawanaduutka saang'a iijea eeweaya jeeda sugoocheanduumeeda ASEETA.

Mattayo 19:23

Gwayeesha Yesu giinealangaaschi, “Aba huumwa geayeeshiineegwa gajeahang'waay beata jea gawa meanang'oocheanda jeeda sugoocheanduumeeda humng'eeda.

Mattayo 13:15

Aba gideaba gurooruunatkeaba fiisu nidurmaniidi, nea iidiga nyaawa ea mayiing'shi muuchi, ak ea niiluulan gheanyanga nyaawa, adaghwadaah aba gheanyanga nyaawa, ak ghwayiiy aba iidiga nyaawa, ak gwajeeng'u aba gurooruunatka nyaawa, ak gwayamsean geat ak ghaahaapchi.’

Mattayo 6:16

“Nea iyoolluuldi geat, ea adoowuurjeewi fuga amitu geat, saawa iissa gookaroomnyi gheamamuunatka nyaawa ghoahiimu geat ghwadaah buuneeda gideaba niiluulda geat. Aba gideaba geayeeshiineegwa suh ninyas giimearda nyaawa.

Mattayo 6:5

“Asi iyoamwaashchi ASEETA, ea adoowuurjeewi fugiga amiitu geadiin; saawa ghabwariiy ghamwaash ASEETA nea ghamiinaada aba jeesinga ghoorajeega siinealshacheewa ea ghuusiga naweadinga, ghwadaah buuneeda. Aba huumwa, geayeeshiineegwa, nigeawiit ghwanyas giimearda nyaawa.

ISAYA 6:10

Nung' gwadasheahiidi fughareengeaba fiisu, nea gidukuti iidiga nyaawa, ak gidukuti gheanyanga nyaawa, adaghwadaah aba gheanyanga nyaawa, ak ghwayiiy aba iidiga nyaawa, ak ghwanal aba jeesinga nyaawa, ak gwaduukuuna ak geahaap.”

Mattayo 6:2

“Asi ang'iing'i iidaydi haleanjeeda iiweadi fuga barbari adiidiing'u geaw ak gisindi gidasiniida fuga amiitu geat aba jeesinga ghoorajeega siinealshacheewa ea ghuusiga naweadinga, gagwarsa buuneeda. Aba huumwa, geeyeeshiineegwa suh ninyas giimearda nyaawa.

Mattayo 5:18

Aba huumwa geayeeshiineegwa; eara ghang'ata humng'eeda ea ng'eanyiida, ghanyea manda eara hiji mwanang', ghana roobadeanagi mwanang', muuchi bea deaweeda majeegeanda ea gwasa ng'asheega sean.

Mattayo 18:2

Gaguursa niny baleanda ak ghwanung' ghamiinaada aba dageascheeda nyaawa,

Mattayo 18:4

Siida wassean aat geaw ng'eanyi ea gawuurji jeebi, siisi siida haw gil aba jeeda sugoocheanduumeeda humng'eeda.