Giidaheechta 10:3 - Bibliyeeda Ghaydit

³ Nea gooyeawda aba ghuuta haw, nea ghwanyaashta daghata dea ng'adiida; iidu nea gooyeawda, ghwanya ghuusigeaba giighweendanyeekiga asispwaan.

NEAJEEDA EESH BEA BUUNEESSEAN

³ Nea gooyeawda aba ghuutta haw, nea ghwanyaashta daghatta dea ng'adiida; iiduw nea gooyeawda, ghwanya ghuusigeaba gighweendaannyeekiga assispwaan.

Giidaheechta 10:3 Iomraidhean Croise

NYIIGHEEGA 29:3

Nyeashta NG'UTAMIIDA gwanda badayda beega, ASEETA ghaambiidaat ninung' ghwanya daghata humng'eeda; NG'UTAMIIDA gwanda badayda beega saang'a

GHWASIILDEANGA 19:12

Nyarasta sugoocheanda gawuurji nyeashta ng'adiida, nea alooheadaanyi gawuurji rahooda badayda nyeega.

ISAYA 31:4

Aba gideaba gwayeeshiinean NG'UTAMIIDA, gidamuumiida ng'adiida ghana dayeenda ng'adiida damanda fureewa shageataanyi, asi eara eeguursa jeagiischoodiga saang'a gang'uchi mayghoabeal aba nyeashta nyaawa nea mayghang'ut giyoonda aba ghuusiga nyaawa, asi NG'UTAMIIDA lugweega gayghwararang'aan ghwahidu gang'uchi Giijeeda Sayuni ea heayeenigaaschi

ISAYA 42:13

NG'UTAMIIDA gaygwardu nea gawuurji siida daruus, gawuurji shirikarajeanda ng'uchi aba ng'ucheeda; ak gaygooyeawda aba ghuuta haw, nea ghoahiimu uurdaanyi aba heeda weajoodigaaschi.

ISAYA 5:29

Nyeashta nyaawa gaygawuurji dea ng'adiida, ak gaygoojuur gawuurji dayeega ng'anyeeka; gayghoamuum ak ghabwar shageataanyi, gayghoang'waay ak ghwaat dea sheagi, ak ea moamu sih ghoareat.

YEREMIYA 25:30

“Ak abeeda gayramoarana aba badayda nyaawa ng'asheesu seaniin, ak gajeeshiina: ‘NG'UTAMIIDA gayghoaghweandan aba humng'eeda, gayghwanya ghuutaanyi aba headaanyi ghaydit abiita; gayghoaghweandan aba uurda fugaaschi; gaygoojuur nea ghwanyaashta fuga muura haghweega sabiibu; gaygoojuursa fuga sean bea ng'eanyiida.

ESEKIELI 10:5

Hean geayiiy ghuuta meang'eega geeruubajeega eara aba doodooda mida jarooda, nea gawuurji nyeashta ASEETA hoauur iibalool.

HOSEYA 11:10

Gaygaweay gagaseada NG'UTAMIIDA, ak gayghoamuumda ng'adiida; ea, gayghwanya ghuuta, ak diibigaaschi gayghapkaana heeda biyeara nea ghaboadanaan;

YOELI 3:16

NG'UTAMIIDA ghwanya daghata aba Sayuni, ak ghwanya ghuutaanyi aba Yerusalemu; ak gwaduumduum humng'eeda ea ng'eanyiida. Nea NG'UTAMIIDA ea heeda mang'awiisa fugaaschi, nea niny ea igeambooda majeek bea fuga Israeli.

AMOSI 1:2

Ak gwayi: “Ghwanya ghuuta NG'UTAMIIDA leabu Sayuni, ak ghwanya ghuutaanyi leabu Yerusalemu; ak gaygagutu heareega haghweeda jeagiischoodiga, ak uhuuda Garmeli gayghaghajaamiit.”

AMOSI 3:8

Ninya ghuuta ng'adiida; mayghabeal ng'eaha? Gabalool Ng'utamiida was ASEETA; ghoamu ng'eaha geaghus ghwaramoarani?”

Giidaheechta 14:2

Ak ghaayiinyi nyeashta nyaasha humng'eeda uurji nyeashta beega saang'a ak gawuurji nyeashta gighweendandeeda haw; ak nyeashi aayiinyiin gawuurji nyeashta fuga gidoondoorajeega las gidoondoorajeega nyaawa,

Giidaheechta 15:1

Hean ghaadaayi gwadeagooda nuut aba humng'eeda, nea aahaw ak daamdaamwaat, malaykaji ispwa mideawa sawanaduut ispwa was gea huuydean, aba gideaba aba badaydeaba suh niduulean nyarasta ASEETA.

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 4:5

Nea heeda hoorgeeda gheambalmeeda iissa gwarina dadamandeeda, nea ghuusiga ea nyeashta gighweendandeeda, nea madeeda hoorgeeda gheambalmeeda ghwayeat gheaboonyan ispwa bea beasta, nea gurooruunat ispwa bea ASEETA;

Giidaheechta 8:5

Iidu gageanu malaykajeanda dabicheandida ak ghoanyiit beasta leabu heeda wagiida, ak gwajaksa badayda ng'eanyiida; hean ghwanya nyeashta ea giighweandandeeda humng'eeda, ea nyeashta nea ghoabwaay dadamandeeda, ea sawooda ng'eanyiida.