DANIELI 4:2 - Bibliyeeda Ghaydit

² Ooleeysiina iit ng'asheega miyaasiin deamdeameadi ea gwadeagwajeega ahiimnaan ASEETA Haw bea Humng'eeda.

DANIELI 4:2 Iomraidhean Croise

AYUBU 7:14

Ang'iing'i giimuuwjean aba giirgweatka, ak ginung' dabeal aba gida siihiimnaan.

NYIIGHEEGA 51:14

Ea ASEETA, aghuuhanaan giihiideayda foojeanda buuneeda, ak ang'iing'i guwoosi ASEETA lealeanoodeanyu, ak gaygwasarman ghuuteanyu duumda nea geajuurji aba lealeanoadaang'u.

NYIIGHEEGA 65:9

Gihidu jeeda ng'eanyiida ak ginung' gwaroobassa ak ea ninung' gabaruur muuchi; eenda ASEETA ghwanyiit beega; ak ginung' ghwanyas ng'eanyiida booga, aba gideaba ang'iing'i guwoosi dea sin ng'eanyiida.

NYIIGHEEGA 66:16

Apkaani ak ghoayiinyi, agoogeeda sean awali ASEETA, ak gaydargu gida nisimanean.

NYIIGHEEGA 71:18

Eara dawoos gweargweeda mideawa ghearashka, Ea ASEETA, adinung'usean heeda, bwak ea darukwiida uurdaang'u aba heedeaba jeacheeng'su seaniin.

DANIELI 2:1

Gweaydeaba iyeenya bea gheambalmeeda Nebukadinesa, goorgweadi Nebukadinesa; ak gwasawana gurooroadaanyi, ea gwarooda ruweangaaschi.

DANIELI 3:26

Hean gawa Nebukadinesa ea gwaneekiisa ghuuta duwayda yeat muuchi ak gwayeesha, “Shadraki ea Meshaki ea Abedinego was fuga gadiyeeda ASEETA Haw bea humng'eeda, abeeni, ak ghoapkaanyi hiji!” Hean gwarina jeeda beasta Shadraki ea Meshaki ea Abedinego.

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 4:24

nih gidarugu, Ea ng'utamiida: Nih diigheanda ASEETA Hoauur, hidu heeda ng'utamiideanyu was sugoocheanda,

DANIELI 4:25

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 5:18

Ea sugoocheanda, ASEETA Haw bea Humng'eeda ghoadaw gweanu was Nebukadinesa sugoocheanduumeeda ea hawunda ea gharbeeda ea hawunda;

DANIELI 6:27

Niny goodayiida nea gwalealu, ak gwasima ng'asheega deamdeameadi ea gwadeagwajeega aba humng'eeda ea aba badayda ng'eanyiida, was dea ghayi lealu Danieli aba heeda uurda ng'anyeeka.”

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

Yohaana 4:48

Ak gwayeesha Yesu, “Iimoadaahi gwadeagooda ea haleanjeeda deamdeameadi ea majamwasa.”

YOSHUWA 7:19

Ng'ata gwayeesha Yoshuwa Akani, “Orjeedeanyu, aghaambiida NG'UTAMIIDA was ASEETA Israeli, ak giduukuuni niny; ak girukunean, ghamneawa gidisini, nea gidisini ea adufunyanaan.”