DANIELI 11:41 - Bibliyeeda Ghaydit

⁴¹ Gayghoan jeeda ng'eanyiida ghaambiidaat. Ak ghabwar fuga nyiit sagalamnyooji damanamughuush niba damanamughuush, nea ng'eanyoojisu gajeegeandeawa geatindaanyi: Edomu ea Moabu ea fuga mwaatkwa siipuut bea Amoni.

DANIELI 11:41 Iomraidhean Croise

YEREMIYA 48:47

Ak aba askwearjoojiga jea ghwahidu gaydeamajeek Moabu gwarugu NG'UTAMIIDA.” Asi girgweageeda Moabu gabeachi hiji.

YEREMIYA 49:6

“Nea iing'ata ng'asheesu gaydeaguumsa fuga Amoni miyeenooda nyaawa, gwarugu NG'UTAMIIDA.”

DANIELI 11:45

Ak gayghamiinaada maheemajeagaaschi hees bea sugoocheanduumeeda dageascheeda basooda ea giijeeda ghaambiidaat ghaydit; ak gayghami, nea manda siida jea ghaweat.

DANIELI 11:16

Aba gideaba siida jea ghwahidu gang'uchi sea niny gaygwasinda gidagasiida, ak ea manda siida jea ghamiinaada aba madeadaanyi; ak gayghamiinaada aba ng'eanyiida ghaambiidaat, ak goobiida sean jeeda gheambalmeadaanyi.

DANIELI 8:9

Ng'ata gwarina jeedeaba gujakiga gujaweeda mwanang', ak gwaheedu muuchi nea gagal wiilooda ng'eanyiida biyeara, nea gagal heeda ghayeawa, nea gagal ng'eanyiida ghaambiidaat.

YEREMIYA 9:26

was fuga Misri, ea Yuda, ea Edomu, was orjooga Amoni, ea fuga Moabu, ea fuga sean abiita jeeda eeshtearajeanda reegwa iheenga nyaawa goonuweagi buudeega nyaawa, aba gideaba eemoojisu miyeeyiil, nea gheeda sean bea Israeli ea miyeeyiil gurooruunatka.”

DANIELI 11:42

Gayghoadoabiiw geatindaanyi gang'uchi darooraka, ak eara ng'eanyiida Misri ghanyea maygaboos.