Ŋwàʼlè ə̀ Pɔ̂l sê ghɨə Lûmghè 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.

Ŋwàʼlè ə̀ Pɔ̂l sê ghɨə Lûmghè 2:4 Iomraidhean Croise

Ŋwàʼlè ə̀ Pɔ̂l sê ghɨə Lûmghè 10:12

Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn.

Ŋwàʼlè ə̀ Pɔ̂l sê ghɨə Lûmghè 11:22

Ghàyn ə fe nə, ə apàs àmɔ̀ʼ, Zhə̀fè nyiə pɔynə̂ nâʼà àchûŋ, ətə kəmɔ̀ʼɔke fe tɛ nâʼà sə ŋaŋ. È nyiə tɛ se ghɨ ghɛ ə nyi mə ə njìsè ndomve, kyi ə̀təm ə chûŋghè ezhoghɛ ə ghàyn pa chûmtə̀ ndom ə vəynve. Pîza ə ghàyn chùmtə̀ va ndom ə vəynve, ə è tə fɨaftê tsɨ̂sè kepî ghàyn.

Ŋwàʼlè ə̀ Pɔ̂l sê ghɨə Lûmghè 11:33

Ghàyn fe kə Zhə̀fè kyi ghaʼze ə! Ghàyn fe kə è ke ghɛghe əkɨ̂m, kyi ètɔf eghaʼâzè ə. Wùə vîvè vayn kàʼa è ke kə Zhə̀fè nə̀ ghɛghe. Wùə vîvè vayn kàʼa è ke ndom vɛ ə Zhə̀fè nə̀ ghɛghe ətəyn.

Ŋwàʼlè ə̀ Pɔ̂l sê ghɨə Lûmghè 3:25

Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe.

Ŋwàʼlè ə̀ Pɔ̂l sê ghɨə Lûmghè 6:1

Ghâsènì nə̀ piə nə ghe zo? Ə ghâsènì ndu ke èshike sə̂ ndamə ə pi kə fùʼ ə Fezhə̀kè ə ndəmə̂ kɔʼɔ ndûə kə èshike ə?

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

2 Kolìŋ 8:2

Ghənə tə kyi mɔ̂m te tsɨəte kûmə̀ tètsôs tɛ ə ghənə tè tsɛ̀ tɔynê ətəyn, pîza pa kyi ke ndò saŋnê eghaʼazè se fo nâʼà sə ŋaŋ se tɔ̀ʼ efɨ̂aʼ ə Fezhə̀zè pî kə ghənə tè nyi əghɨ afɨfə.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 2:4

Pîza, Zhə̀fè nyîə kosə̂ èsəyn sê ghɨ nâʼà sə ŋaŋ fɨnə kɔ̂ŋɔ̀ ə̀ghɨ nâʼà sə ŋaŋ.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

Ɛfesùs 3:16

Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Filìpây 4:19

Zhə̀ fɨmfe nə̀ fo nâʼàpî àkè kɛ ə ghàyn kyiŋə, ə vəyn ə fètə̂ èghaʼ etsɨə zɛ ə È kyi tɔynə̂ ə Njisə̀s Klâys.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

1 Timotì 1:16

Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

Etyə̂yn ə paynsêzè 2:21

Mə tè fo shîŋə̀kè nə è kwiyne təm ə vəynghe ə è za pisə vəynse pîza è ve è kwiynse.

Etyə̂yn ə paynsêzè 3:20

Fe kə! M tyəm echo ndɛ ngɔʼtə̂, mə ə zɨ pîndè kyə̀ zɨ̂mè ə chwìə, ə m nji pəyn, ə ghasè vəyn zhiə əmɔʼ.