Ŋwàʼlè ə̀ Mâk 9:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Se kyîə pî vəyn ashìŋə̀ àkè, tɨmə kə vəyn ə chi, è ve nâyntə̀ tɛ kə nyiə kwas, pfɨpfɨke e fɨə ə vəyn echo, è ve kwɨlə ə̀sɔŋ. Mə fê pə̀yn chyate chùmtè èpàm sɛse nə ghənə chum fɨse sezuʼ nə sɨ̂nə̀, ghənə e fɨmə se chùm.”

Ŋwàʼlè ə̀ Mâk 9:18 Iomraidhean Croise

Matyò 15:22

Wùzhɔyn emɔ̀ʼ endaʼ ə Kanànâtzè mə è tè ndamə fu endaʼ ə fɨə pə̂ sê Njisə̀s chîə, puʼə àpɔ̂ŋ pîə nə, “Kose səyn sê mi ə Pɛ̂pɛ, Va fèghàŋ ə ndɛ Fɔ̀yn Ndàfîtfè! Vayn vɨ̂m vê èzhɔyn nyîə zɨə ngəʼ nâʼà sə ŋaŋ kûmə̀ nə pamə̂ ə satàynzè nyi ə vəyn wìyn.”

Matyò 17:16

M tè pəyn è vəyn sê chùmtè èpàm sɛse, è və ghaʼa ghənə se tsuʼ.”

Matyò 8:12

Pîza, ə ghɨ ghɛ ghe kyi sə̂ nyi ə elùʼ efɔ̀yn ə Fezhə̀vè, ə pɨl chum fɨsê ghənə elùʼ alɨm. Elùʼ vɛ ə ghənə nə chîə kwɨlə ə̀sɔŋ ə ghənə̂ ghè.”

Ŋwàʼlè ə̀ Mâk 11:23

M pîə sê ghàyn səmɔʼ nə, ə pì pîndè sê pfɨ̀yn èghaʼâ zɨ̀yn nə, ‘Mùʼə ə ndùə tânə̀ ə enjwì ə fengwaŋve,’ pîə za kwaʼtə̀ va ndô, pomə̂ nə ghɛ zɛ ə è pì nə kyânə̀, ə ze kyayn ke kə è pì.

Ŋwàʼlè ə̀ Mâk 9:17

Wùə vîvè əfètə̂ ànɔ̀yn nə kɛ ə pîə nə, “Tyə̀ynsè, m pə̀yn è vayn endômə̀ vɨ̂mè sê ghò, è ve kyi sèzuʼ sepise, se nə̂ nə kə è və wâmnə̀.

Ŋwàʼlè ə̀ Mâk 9:19

Njisə̀s ə pìə sê ghənə nə, “Ə̀ fɨnə nyi feghâŋ fèkè ə fe làʼà pomə̂zè nyiə ə? M nə̀ kolə zaʼâ zàyn təmə ghâsènì ə? Pə̀yn è va ətəyn sê mi.”

Ŋwàʼlè ə̀ Mâk 9:20

Ghənə ə nji pə̀ è vâ ətəyn sê Njisə̀s. Zuʼse epi nə sɛ ə fe pə̀ kə Njisə̀s nyî, ə kyîə vâ ə̀təyn, ə tɨmə vəyn ə chi, è ve pɨŋnə̂, pfɨpfɨke e fɨə ə vəyn echo.

Ŋwàʼlè ə̀ Mâk 9:26

Zuʼse pise ətəynse ə fo kyə̀, ə nə̂ʼsə̀ vâyn nə vɛ nâʼà sə ŋaŋ ə fɨə. Vâ ə̀təyn e sè kyaʼà kə kə̂ akwu ə wûəkè, nɔ̂ynkè ə zhə̀tə̀ sè pîə nə, “È və kwu”

Ətefɨ̂aʼ 7:54

Ə tè nyi kə ghɨə sesaʼ nə ghɛ zɨ ghɛ ghɛ ə Shìtifɨ̀yn wàmnè, ghənə ə nyɔ̀ʼsə̀ ètɔŋ nâʼà sə ŋaŋ, kwulə ə̀sɔŋ.

Njût 1:13

Ghənə nyi kə awàwà epaməke, ghɛ ghənə̂ ghe ghoməghe e chwîtə̀ kə apfɨpfɨ. Ghənə nyi kə mlî mɛ ə m̀ tsɨ̀nə̀ ghanə ka kə ndô, mə Zhə̀fè ə ndə̀m luʼve sê mêmè, ə̀ nyi eluʼ fɨ̂mə̀ tsɛ̂ tèluʼ tekɨ̂m.