Ŋwàʼlè ə̀ Mâk 9:12 - Ŋwàʼlè ə̀ Fèzhə̀ Mkâyn Mə̂ Fèm

¹² È və pìə sê ghənə nə, “E nyi ke nâʼà səmɔʼ nə Èlanjà pə̂ ndò sə shi, se pɨaʼtə nâʼà əghɛ ə̀kɨ̂m. Pîza, kûmə̀ ghè ə nyâʼ ə Ŋwàʼlè ə̀ Fèzhə̀ nə Vâ Wùə nə fe ngəʼ nâʼà sə ŋaŋ, ə fɨyn kwiynse nə è va afɨa ə?

Ŋwàʼlè ə̀ Mâk 9:12 Iomraidhean Croise

Matyò 16:21

Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”

Matyò 26:24

Vâ wùə nə̀ kwuə kè eghɨ kə nyi mə ə nyàʼ ə ŋwàʼlè ə̀ Fèzhə̀ pîza ngəʼ èghaʼâ nyì sê wùə vɛ ə è nə̀ pəʼlə Vâ wùə! E fe tsɔ̀fə nə ə nyi mə tè paʼà piə wùə ə̀təyn.”

Ŋwàʼlè ə̀ Mâk 10:33

È və nə ə pìə nə, “Ghàyn ke nə ghâsènì kɔʼɔ ndûə ə Njèlusalɛ̀m zôyn nyî, e kyi se ndùə fo Va Wùə sê ghɨ kɔʼsə nə èshyə̀ ndɛ̂ Fèzhə̀ e ghaʼa, è tyə̀ynsè sə alàŋsè nə ghənə tsɛse lâŋkè nə è kyi se kwu, ə fɨyn nji fo vəyn sê tumve,

Ŋwàʼlè ə̀ Mâk 9:13

M pîə sê ghàyn səmɔʼ nə Èlanjà tè pə̀yn ghɨghe e kotə̂ pî ghè vɛ ghənə tè kɔ̀ŋɔ̀, nə̂ sê vəyn kè eghɨ kə ə tè nyi mə ə nyàʼ ə Ŋwàʼlè ə̀ Fèzhə̀ kûmə̀ vəyn.”

Ŋwàʼlè ə̀ Mâk 9:31

kûmə̀ nə ə̀ tè nyi zâ, è ve zaʼlə̂ sèchùmtè èpàm sə vəynse pîə sê ghənə nə, “Ə nə̀ fo Vâ Wùə sê ghɨə, ə zhwi vəyn, ə epàm ə mtuʼ mta, ə è kɛse zômə̀.”

Tom èchùŋ kè kə Lûk tè nyaʼ 1:76

Sê ghò, ə vayn vɨ̂m, ə tə tɔŋtə̂ ghò nə fɨ̀aʼtè èghaʼâ ə̀ Fèzhə̀ fɛ fe ngaŋte kwəyn kûmə̀ nə ò tə nə̂ ə ò ndùə əshi, fɛtə̂ endom, Pɛ̂pɛ e pə̂ ə ghò epàm,

Tom èchùŋ kè kə Lûk tè nyaʼ 23:11

Ɛlɔ̀t yî sokə̀ʼsə vəynse e nyâplə̀ e Njisə̀s ə ləʼsə̂ vəyn nyi ə màʼa tàla èchùŋ ə vəyn ewiyn ə kɛse tomə vəyn sê Paylɛ̀t.

Tom èchùŋ kè kə Lûk tè nyaʼ 23:39

Se wùə viu ve ə tè paynte yî ghənə e sôylə̀ vəyn, pìə nə, “Piə ò nyi Klâys, se sɔzà ngɨŋ zɛ̂zè ə sɔ̀zâ ghàs!”

Ətefɨ̂aʼ 1:6

Tuʼve ə zo tuʼ fîfe, Njisə̀s yî ghɨətom ə Vəynghe e tsɨ̂yntè tsɨs luʼve emɔ̀ʼ, ghɨətom ə Vəynghe e sè pfɨfə sê Vəyn nə, “Pɛ̂pɛ, shîŋə̀kè ə kwəyn kə Ò nəyn, ə kɛse fo èfɔ̂yn sê ghɨə Isìlây ghə?”

Ətefɨ̂aʼ 4:11

Njisə̀s nə vɨ̂yn tè nyi wùə vɛ ə Ŋwàʼlè ə̀ Fèzhə̀ tè pìə ghɛ ghɨnə kûmə̀ Vəyn nə: ‹Chi zɛ ə ghɨ pomə tè làŋ mâʼà, zə kɛse sə èchi epòlə̀ ə ndɛze.›