Ŋwàʼlè ə̀ Mâk 8:6 - Ŋwàʼlè ə̀ Fèzhə̀ Mkâyn Mə̂ Fèm

⁶ È və pìə sê nɔ̂yn ə ghɨ nə kɛ nə ke tsɨsə ə chi, è və fiə èsəyne epɨayn vɛ èsɛ̀mbɛ̂, ə fo àzɔ̀ŋnè sê Zhə̀fè ə pɨaʼlə̂ fo, chùmtè èpàm sə vəynse nə ghənə chyate sê ghɨ nə ghɛ.

Ŋwàʼlè ə̀ Mâk 8:6 Iomraidhean Croise

Matyò 26:26

Kə ghənə tè zhiə, Njisə̀s ə njìə àpayn ə kwaŋke ə fo àzɔ̀ŋnè sê Zhə̀fè ə pɨaʼlə̂ ə fo sê chùmtè èpàm sə vəynse ə pìə nə, “Ghàyn ko zhi. Ə̀ vɨ̂nə nyi ewiyn vɨmve.”

Ŋwàʼlè ə̀ Mâk 8:20

Njisə̀s ə fɨnə pfɨfə nə, “Ə tè fɨyn nyi kepî kə m pɨaʼle vɛ èsɛ̀mbɛ̂ ə chyâtə̀ sê ghɨ kam sekyàʼ, ghàyn tè komte epɨaʼle ətəyn ə lwiynsə̂ ekwà èshɔ̀ʼ za ə?” Ghənə ə pìə sê vəyn nə, “Ə tè nyi ekwà èsɛ̀mbɛ̂.”

Ŋwàʼlè ə̀ Mâk 8:5

Njisə̀s ə pfɨfə sê ghənə nə, “Ghàyn kyi èsəyne epɨaynve eshɔ̀ʼ fɛ?” Ghənə ə pə̀ynsə̀ nə, “Ghàs kyi èsəyne èsɛ̀mbɛ.”

Ŋwàʼlè ə̀ Mâk 8:7

Ghənə tè kyi kepî m̀mbwɔ̀tə̀ m̀shyàʼ nyî. Njisə̀s ə fo àzɔ̀ŋnè sê Zhə̀fè, ə fo nə chùmtè èpàm sə vəynse chyate sê ghɨ ətəynghe.

Tom èchùŋ kè kə Lûk tè nyaʼ 12:37

Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Tom èchùŋ kè kə Lûk tè nyaʼ 24:30

Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.

Njɔyn 2:5

Nyìə Njisə̀s ə se pì sê ghɨ ghɛ ə ghe fɨ̂aʼà fu elùʼ ə malə̂vè nə, “Ə è pì pî nə ghe, ghanə nə̀ kə zamə.”

Njɔyn 6:23

Ngwùʼ seghaʼâ sə mɔ̀ʼɔse mə se ndo ə Tìpelùs ə pə̀ ə ngwùŋ ènjwì etipì elùʼ vɛ nɔ̂ynkè tè zhi payn ə kwaŋke mə Pɛ̂pɛ fo tsoke àzɔ̀ŋnè.

Ŋwàʼlè ə̀ Pɔ̂l sê ghɨə Lûmghè 14:6

Ghɨ ghɛ ə ghe fe nə tuʼfe nyìə kɔʼnə̂ tsɛ̂ fîfe nə̂ nyiəmə kè sê ngɨmnê ə Pɛ̂pɛze. Ghɨ ghɛ ə ghe zhiə nâʼàpî àkè, ghənə nə̂ kəpi zamə se ngɨmnə̂ Fèzhə̀ kûmə̀ nə ghənə fo àzɔ̀ŋnè se Zhə̀fè kûmə̀ èfɨazhiə ətəynve. Ghɨ ghɛ ghe zhiə kəpî va fɨa vîve, nə̂ zamə se ngɨmnə Pɛ̂pɛ, fo àzɔ̀ŋnè sê Zhə̀fè.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.