Ŋwàʼlè ə̀ Mâk 8:22 - Ŋwàʼlè ə̀ Fèzhə̀ Mkâyn Mə̂ Fèm

²² Njisə̀s yî chùmtè èpàm sə vəynse ə pə̀ ə Pètsayndà. Ghɨ yîghe ə pə̀ è wùə se vəyn, mə è və fòf ə chyatə̂ nə è ndəm ghoke ə vəyn ewìyn.

Ŋwàʼlè ə̀ Mâk 8:22 Iomraidhean Croise

Matyò 11:21

pîə nə, “Ngəʼ èghaʼâ tə nə̂ ə è zə nyi sê ghàyn ə ghɨə Kòlàzɨ̀nə̀ è kèpî ghàyn ə ghɨə Pètsayndà! Ə̂ tè nyi nə ghɛ ə kayntə ghɨ̂yn ə Zhə̀fè tè nə̀yn ə ghàyn endaʼ tè nyi nə ə nəyn endaʼ ə Tayà è Sindɔ̀nzè, mə ghənə tə màʼ ndzɨse kwuse ə fùʼə̀ àpfɨchike ə ghənə mwìyn se chwìtè nə ghənə kə̀mnè ə ghənə sepi.

Matyò 14:36

Ghɨ ghɛ ə ghe tè pəyn è ghɨə zafə sê Njisə̀s ə chyatə̂ vəyn nə è za ə ghɨ ə zafə ətəynghe kom ke nâʼà èghaŋ ə sendzɨs ə vəynze. Kə ghɨ ghɛ ə tè zafə ə̀kɨ̂m kòm sɔŋ ə sendzɨs ə vəynze, ə tɛ kə ndò.

Matyò 8:15

È və kyîə àgho ə vəynke, wiyn ekase ətəynve ə zà vəyn. È və ndwìə ə fiə ndzɨsə̂ Njisə̀s kə wùə èmòtə pə.

Matyò 8:3

Njisə̀s ə nɛ̀sə̀ àgho ə ndə̀mə̀ ə vəyn ewìyn ə pìə nə, “M kɔ̂ŋɔ̀ ndò, kɛse zo.” Kè sə ashìŋə̀, kwùs ətəynke ə mìə ə vəyn ewìyn.

Matyò 9:29

Njisə̀s ə pasə̂ ə̀ghɔ vəynghe ghənə əshi ə pìə nə, “Ə ze kyayn sê ghàyn kè kə pomə̂ zaynze nyi.”

Ŋwàʼlè ə̀ Mâk 2:3

Kè nyî ghɨ yîghe əkyàʼ ə pɨaʼà pə̂ è wùə mə pâs ewìynke ə kwu sê vəyn.

Ŋwàʼlè ə̀ Mâk 3:10

È tè nyi mə è və kàynè tsuʼ ghɨ ghe tsɨ̂ə kə nyî, kûmə̀ zamə nâʼàpî ndè vɛ ə è tè zafə, e kyiŋə kə èndom se pə kûmə̀ vəyn kə zhi tɛ.

Ŋwàʼlè ə̀ Mâk 6:45

Kè sə ashìŋə̀, Njisə̀s ə pìə sê chùmtè èpàm sə vəynse nə se njiə ə ngwùʼ èghaʼâ ə se tyaŋ ndu əshi ə Pètsayndà engyinə̂ enjwì. È və faŋə ə pìə nə nɔ̂yn əghɨ̀ kɛ ə kwɨlə̂.

Tom èchùŋ kè kə Lûk tè nyaʼ 10:13

Ngəʼ èghaʼâ tə nə̂ ə è zə nyi sê ghàyn ə ghɨə Kòlàzɨ̀nə̀ è kɨ̂sè è ghàyn ə ghɨə Pètsayndà! Ə̂ tè nyi nə ə nə̀yn ghɛ e kayntə ghɨyn sê ghɨə Tayà è ghɨə Sindɔ̀nə̀, mə ghənə ə tə tso tsɨsə ə fuʼə̀ àpfɨchia ə ghənə ewìyn ə zàŋse màʼa sèndzɨs se kwuse, ə kwiynə̂ ə̀təm epiə ghənə.

Tom èchùŋ kè kə Lûk tè nyaʼ 9:10

Ə tè nyi kə ghɨətom ə Njisə̀sə̀ kɛse kwɨlə pə̀yn sê vəyn ə tsà naʼapi ghè vɛ ə ghənə nə̀yn, è və njìə ghənə, yî ghə̀ ghənə ə zà əghɨ ə ndùə njiə ə tɔ̂ŋ zhîzè, e tɔŋtə̂ nə Pètsayndà.

Njɔyn 1:44

Filìp tè nyi mə è ndò ə tə̀ʼ ə̀ Pètsayndà kèpî ə tɔ̂ŋ zɛ ə Andɨ̀lò yî Pità tè ndamə ətəyn.

Njɔyn 12:21

Ghənə ə pə̀ sê Filìp, ə nyi wùə èndaʼ Pètsayndà, mə è ndò pə̂yn apàs endaʼa Ngalìlîkè. Ghənə ə pìə se vəyn nə, “Pɛ̀ apɨəyn, ghàs kyiŋə se fe Njisə̀s.”