Ŋwàʼlè ə̀ Mâk 8:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Kə è wàmnè za, ə zà ghənə ə kɛsê njiə ə ngwùʼ eghaʼâ yî chùmtè èpàm sə vəynse, ə tyàŋə engyinə̂ enjwì.

Ŋwàʼlè ə̀ Mâk 8:13 Iomraidhean Croise

Matyò 15:14

“Kə ghàyn kyi fɨmsê pɔ̀m ghənə! Ghənə nyi etu mə ə fòf chisə̂ ə̀ghɨ ə fofə; mə shîŋə̀ kɛ ə wùə èfòfə tsɛ̂ əshi və mɔ̀ʼɔ chùmtə̀ vəyn, ə ghənə əkɨ̂m pfɨə nji epə.”

Matyò 7:6

Kə ghàyn nji fɨa ə Fezhə̀vè ə fo sê puse; se nə̀ kə̂mnə̀ ə se kɛse ndômnè ke ghàyn. Kə ghàyn tə mâʼà tèfɨa taynte tɨməte sê kwùnduŋve; ve nə̀ tsə̂lə̀ kə ndò təynte ègholə.

Ŋwàʼlè ə̀ Mâk 8:12

Njisə̀s ə tɨ̀mnə̀ nyi ə sɔmə, ə pfɨfə nə, “Kûmə̀ ghè ə ngwàʼ zɨnə kyiŋə se fe chwìə? M pîə sê ghàyn səmɔʼ nə, ghâŋ fɨ̂nə̀ nə fe va chwìə.”

Ŋwàʼlè ə̀ Mâk 8:14

Njisə̀s yî chùmtè epàm sə vəynse tè piə njiə ə ngwùʼ ə lɛ̀sə̀ se njì apayn ə kwaŋke. Ə tè nyì ke àpayn àmɔ̀ʼ fumə ngwùʼ èghaʼâ.

Tom èchùŋ kè kə Lûk tè nyaʼ 8:37

Nyi, nâʼà ghɨ əkɨ̂m ə etipì endaʼ ə Njɛ̀lɛsens ə piə sê Njisə̀s nə è ndò ə ghənə əfètə̂ kûmə̀ nə ghənə tè fànə nâʼà sə ŋaŋ. Njisə̀s ə njiə ə ngwùʼ èghaʼâ sè kyiŋə se ndò.

Njɔyn 12:36

Ghàyn pomə sê payn, kə ze pa nyi ə ghàyn əfètəyn kə ghànə nyi əghɔyn epanə.” Njisə̀s ə wàmnə̀ ə̀ghɛ nə ghɨ̂yn ə ndùə ndə̂tə̀ ngɨŋə̂ Vəyn sê ghənə.

Njɔyn 8:21

Njisə̀s ə pìə kwəynsə̂ se ghənə nə, “M nə̀ ndô, ə ghàyn ə kyiŋə mi, pîza ə ghàyn tàʼa fe Mi, ə ghàyn kwu ə ghàyn ə sepi. Luʼ vɛ M nə̀ nə̂ M mə nyi ətəyn, ghàyn vayn kàʼa ə pəyn fu.”

Ətefɨ̂aʼ 18:6

Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.