Ŋwàʼlè ə̀ Mâk 8:12 - Ŋwàʼlè ə̀ Fèzhə̀ Mkâyn Mə̂ Fèm

¹² Njisə̀s ə tɨ̀mnə̀ nyi ə sɔmə, ə pfɨfə nə, “Kûmə̀ ghè ə ngwàʼ zɨnə kyiŋə se fe chwìə? M pîə sê ghàyn səmɔʼ nə, ghâŋ fɨ̂nə̀ nə fe va chwìə.”

Ŋwàʼlè ə̀ Mâk 8:12 Iomraidhean Croise

Matyò 12:38

Tyə̀ynsè sə alàŋ shîse è ghɨə Falàsî əmɔ̀ʼɔ ə piə sê Njisə̀s nə, “Tyə̀ynsè, nə̀yn ghɛ ekayntə zhîze se tyə̀yn sê ghàs sə chwìə nə tyaʼ kɛke ndo ke nâʼà sê Zhə̀fè.”

Matyò 16:4

E pofə zàyn sê ngwàʼ zɨnə fa fetuʼ! Ghàyn kɔ̀ŋə̀ va se zɨtê se Zhə̀fè, Ghàyn pfɨfə chwìə èghɛ ekayntəze. Pîza ghàyn nə̀ fe va zə̂ynzè ètsɛ̂ kə va chwìə èghɛ ekayntə ə fɨ̀aʼtè Njonàzè.” È və zà ghənə ə ndò.

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Ŋwàʼlè ə̀ Mâk 6:6

Njisə̀s ə fe kə ghənə tè kyi va pomə̂zè nyi è kaynze. Njisə̀s ə ndò kwîə zaʼlə̂ ndûə ə̀ghɨ ə setə̀ʼ shise sɛ ə se paʼsə̂ fu.

Ŋwàʼlè ə̀ Mâk 7:34

ə naynə̂ kɔʼsə̂ ekwùtwəyn, ə tɨ̀mnə̀, ə ke pì sê vəyn nə, “Efatà,” mə è za pìə nə, “Ŋaʼse!”

Ŋwàʼlè ə̀ Mâk 8:13

Kə è wàmnè za, ə zà ghənə ə kɛsê njiə ə ngwùʼ eghaʼâ yî chùmtè èpàm sə vəynse, ə tyàŋə engyinə̂ enjwì.

Ŋwàʼlè ə̀ Mâk 9:19

Njisə̀s ə pìə sê ghənə nə, “Ə̀ fɨnə nyi feghâŋ fèkè ə fe làʼà pomə̂zè nyiə ə? M nə̀ kolə zaʼâ zàyn təmə ghâsènì ə? Pə̀yn è va ətəyn sê mi.”

Tom èchùŋ kè kə Lûk tè nyaʼ 19:41

È və nə̀ ndùə sè paʼsə̂ mɨ̂sə̀ ndùə ə tə̀ʼ ə̀ Njèlusalɛ̀m ə naynə̂ ndùə tə̀ʼ ətəyn, səynze ə ko vəyn, è və chîə pə̀ kə ndò,