Ŋwàʼlè ə̀ Mâk 7:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghənə fe kə ngəʼ səndô, piə nə ə ngɨmnə̂ mi, kûmə̀ nə ghənə zaʼlə̂ ə̀ghɨ nə chumtə̀ èlwɔ̂ŋ, mə ə fɛte əghɨ, ndə̀mə̀ nə ə̀ nyi elwɔ̂ŋ ə Fezhə̀vè.’

Ŋwàʼlè ə̀ Mâk 7:7 Iomraidhean Croise

Matyò 15:9

Ghənə fe kə ngəʼ səndô, pîə nə ə ngɨmnə̂ mi, kûmə̀ nə ghənə zaʼlə̂ ə̀ghɨ nə chûmtə̀ èlwɔ̂ŋ ə wùə m̀sɔ̀ŋve tsɛ̂ kə kɔʼsə lwɔ̂ŋ ə Fezhə̀vè əghɛ mə ə̀ fɛte əghɨ.›”

Matyò 6:7

Ə ghàyn tsə̂mə̀, kə ghàyn ə piə tsɛsə ghɛghe se tsɨ̀ mə ghe kiva tɔfe, kə ghɨ ghɛ ə keva Zhə̀fè tsə̀mə̀. Ghənə zàŋsə̀ kwâʼtə̀ nə Zhə̀fè nə̀ zɨə ghənə kûmə̀ kə ghənə tsə̂mə̀ tyafsə̀.

1 Kɔlìŋ 15:14

Mə ə̀ nyi nə ə tè pâʼà zòmsè Klâys, ə ghàs ə kiva ghɛze se ndàʼà, ghàyn e kyi kepî va ghɛze se pomə̂ se zəynze.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

Kòlosè 2:22

Lwɔ̂ŋ nə vɨ̀nə èkɨ̂m wàmnə̀ kûmə̀ kə èfɨa, ve nyi se pə̀yn sə efɨa sə ndô shîŋə̀ kɛ ə nyi mə ə nə̀yn fɨ̂aʼzè ətəyn. Lwɔ̂ŋ nə vɛ mə è zaʼlêtè nyi əghɛ mə ə̀ fɛte əghɨ è ghoghe.

Taytùs 3:9

Kə ghàyn ə njiə ə tesaʼnê tə angôte, kûmə̀ m̀ghâŋghàŋə̀ mɛ m̀ ndò pə̂ sê pɨ̀a ə ghasènìghe, pî sə̂ saʼnə̂, nô kûmə̀ àlâŋ. Ghɛ ghɨ̀nə kyi va nâʼà eghɛ zhîze se nə̀yn, ə̀ nyi ke ezhwi ashìŋə̀zè.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

Njə̂m 2:20

Ngo afɨa kɨ̂yn! Ò kyiŋə se fe chwìə nə kyî epoməzè nyi ezom ezhoghɛ ə ze kyi va fɨ̂aʼzè ə?

Etyə̂yn ə paynsêzè 22:18

M fo fɨ̀as nâʼà sə ŋaŋ se nâʼàpî ndè vɛ ə è zɨ ghɛ ghɛ ə tsâyn fâ ŋwàʼlè nə ghe tə kyânə̀: Ə̂ paʼse nâʼàpî ndè ghɛze ətəyn, ə Zhə̀fè tə paʼsê sê wùə ə̀təyn tsôs te kwəmnə tɛ èsɛ̀mbɛ ə nyi mə ə təynse fa ŋwàʼlè.