Ŋwàʼlè ə̀ Mâk 7:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ ə naynə̂ kɔʼsə̂ ekwùtwəyn, ə tɨ̀mnə̀, ə ke pì sê vəyn nə, “Efatà,” mə è za pìə nə, “Ŋaʼse!”

Ŋwàʼlè ə̀ Mâk 7:34 Iomraidhean Croise

Ŋwàʼlè ə̀ Mâk 1:41

Sə̂ynzə ko Njisə̀s nâʼà sə ŋaŋ sê wùə ətəyn, e və nɛ̀sə̀ àgho ə ndə̀mə̀ ə vəyn ewìyn ə pìə nə, “M kɔ̂ŋɔ̀ ndò, zo”

Ŋwàʼlè ə̀ Mâk 15:34

Ə sechwìə sèta, Njisə̀s ə pɨa pîə nâʼà è kyə̀ è tɛ nə, “Èli, Èli, lama sapatanì?” Mə è za pìə nə, “Zhə̀ fɨmfe, Zhə̀ fɨmfe, kûmə̀ ghè ə ò kyiyne miə?”

Ŋwàʼlè ə̀ Mâk 5:41

ə ndùə kyîə àgho ə va ətəynke ə pìə sê vəyn nə, “Talita Kumì,” mə è za piə nə, “Vayn èzhɔyn, m pîə sê ghò nə ò ndwi!”

Ŋwàʼlè ə̀ Mâk 6:41

Njisə̀s ə fiə esene e pɨayn vɛ ètwɔ̂yn è mbwɔ̀ vɛ, èpɨ̀a, ə naynə̂ kɔʼsə̂ ekwùtwəyn, ə fo àzɔ̀ŋnè sê Zhə̀fè, ə pɨaʼlə̂ èpɨayn ətəyn ə fo nə chùmtè èpàm sə vəynse chyate sê ghɨ ətəynghe. È və fɨnə njîə embwɔ̀ vɛ èpɨ̀a ə chyatə̂ sê ghɨ ghe ə̀kɨ̂m.

Ŋwàʼlè ə̀ Mâk 7:35

Kè sə ashìŋə̀ è və zhə̀tə̀ se zɨ, ndəm ə vəynke ə zhə̀nə̀ è ve sè fɛtə̂ wamnə̀.

Ŋwàʼlè ə̀ Mâk 8:12

Njisə̀s ə tɨ̀mnə̀ nyi ə sɔmə, ə pfɨfə nə, “Kûmə̀ ghè ə ngwàʼ zɨnə kyiŋə se fe chwìə? M pîə sê ghàyn səmɔʼ nə, ghâŋ fɨ̂nə̀ nə fe va chwìə.”

Tom èchùŋ kè kə Lûk tè nyaʼ 18:42

Njisə̀s ə ke pi sê vəyn nə, “Pomə zɛze ə nə̀yn, ò vɛ ò tɛ. Kɛse zhə̀te ə ò fe tèluʼ.”

Tom èchùŋ kè kə Lûk tè nyaʼ 19:41

È və nə̀ ndùə sè paʼsə̂ mɨ̂sə̀ ndùə ə tə̀ʼ ə̀ Njèlusalɛ̀m ə naynə̂ ndùə tə̀ʼ ətəyn, səynze ə ko vəyn, è və chîə pə̀ kə ndò,

Tom èchùŋ kè kə Lûk tè nyaʼ 7:14

Njisə̀s ə piə za ə fɨtə̂ ndùə kûmə̀ àtayntayn ə wùə èkwuə nə kɛ, ghɨ ghɛ ə ghe pɨ̂aʼà vəyn ghə tyəmə kə ndò, è və piə nə, “Vayn èkwuŋ, ndwi.”

Njɔyn 11:33

Njisə̀s ə fe kə è chîə za ghɨ ghɛ ə yî vəyn pə̀yn əmɔʼ e pɔŋɔ chîə, ghɛ ətəynze ə fo ngəʼ sê vəyn, ə zafə vəyn nâʼà sə ŋaŋ.

Njɔyn 11:35

Njisə̀s ə chìə.

Njɔyn 11:38

Njisə̀s ə ndùə tâynə̀ ə Lazalùs echo èshyə̀, ghɛ ətəynze e pa fo kə ndò ngəʼ se vəyn. Shyə̂ eghaʼâ ətəynze tè nyi mə tsof ətə̂ ànayn ə kɨlə ècho ətəynze è chize.

Njɔyn 11:41

Ghənə ə njìə tsɨ̀sə̀ èchi ətəynze. Njisə̀s ə naynə̂ kɔʼsə è Kwùtwəyn ə pìə nə, “M fo àzɔ̀ŋnè kɛke ə Pɛ̂ kûmə̀ nə ò ndamə zɨə ndò tsə̂m zɨmze,

Njɔyn 11:43

È və wamnə̀ nyi ə pɨa pîə nâʼà è kyə̀ ètɛ nə, “Lazalùs, fɨ pə̀!”

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Ətefɨ̂aʼ 9:34

Pità ə pìə sê vəyn nə, “Èneyàs, Njisə̀s Klâys nə̀ tsuʼə gho zôyn. Ndwi ə fɛtə̂ èkwî vɛve.” Èneyàs ə ndwìə kə sə ashìŋə̀.

Ətefɨ̂aʼ 9:40

Pità ə pìə nə ghənə ə̀kɨ̂m fɨ ndu əpɨəyn. È və tɨmə ə̀ndzɨs ə vəynghe ə chi ə tsə̀mə̀ sê Zhə̀fè. È və kə̀mnə̀ ndûə èwiyn ə pìə sê pfɨyn ətəynze nə, “Tàpità, ndwi.” È və zàynsə̀ əshi ə vəynghe ə fe Pità, kè sə ashìŋə̀ ə ndwìə tsɨsə̂.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.