Ŋwàʼlè ə̀ Mâk 7:3 - Ŋwàʼlè ə̀ Fèzhə̀ Mkâyn Mə̂ Fèm

^3-4 Ghɨə Falàsî, è ghɨə Njûsə̀ əkɨ̂m tè chùmtə endam zɛ ə pɨ̀a ə ghənə̂ghè tè zaʼle ghənə ətəyn. Ə ghənə kwɨlə̂ elùʼ e pəʼləve, ə tàʼa zhi afɨa ndɔʼɔ shu wiynve kə ndam endaʼze tè tyə̀ynə, zhiə va nâʼàpî àfɨa kyîke ndɔ̀ʼɔ shu gho endom nə vɨ̂yn, fɨnə ndə̂mə̀ tèsaʼ tɛ ə te piə nə ə nə shùə sèwà, shuə sètɔ̀yn, shûə èkwaŋ, è keyntɨ̀lə̀sè kè kə ndam endaʼze tè tyə̀ynə.

Ŋwàʼlè ə̀ Mâk 7:3 Iomraidhean Croise

Ŋwàʼlè ə̀ Mâk 7:13

Ə̀ za nyi kə ghàyn pfɨ̀mə̀ wâmnè ə Fezhə̀zè ətəyn endom vɛ ə ghàyn zaʼlə ghɨghe ətəyn. Ghàyn nyîə nə̂ tèkyì tə ghɛ tə mɔ̀ʼɔte, te tsɨ̀ə kə nyi.”

Ŋwàʼlè ə̀ Mâk 7:5

Ghɨə Falàsîə è tyə̀ynsè sə alàŋ sɛ, ə pfɨf sê Njisə̀s nə, “Kûmə̀ ghè ə chùmtè èpàm sɛse chûmtə̀ va zaʼlê ghə̀pɨ̀a ghâsènì ghə shiə tè fo sê ghasènìə? Ghənə zhiə è ghoghe ndɔ̀ʼɔ shu endom vɛ ə kyi sə̂ shûə.”

Tom èchùŋ kè kə Lûk tè nyaʼ 11:38

Wùə Falàsî nə vɛ e nyi è kâyn se fe nə Njisə̀s ə zhi ndɔ̀ʼɔ è shu gho.

Njɔyn 2:6

Tɔ̀ynsè tè nyì paʼsê fumə elùʼ mə ə tsof ə tə̂ chi. Ə tè nyì fumə ekyì ə sètɔ̀yn ə ghɨə Isìlâyghè tè ndə̀mə môm sə shûə èwiyn ə ghənəvè ətəyn ashìŋə̀ ə tsəməke. Nâʼàpî tɔ̀yn èkè tè kaʼa è kyi sɔ̀ʼ sə mmòse ewə̀.

Ngàleshyà 1:14

M tè ke se kɔʼsə Fezhə̀ endom vɛ ə ghɨə Njûsghè kɔʼsə tsɛ̂ ngwàʼ zɨ̂mze tsɨə, mə mə fo təm ghɨmə nâʼà sə ŋaŋ, tsɛ̂ endam endaʼ zɛ ə ghə̀pɨ̀a ə ghasènìghe tè ndamə.

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

1 Pità 1:18

Ghàyn ke nə Zhə̀fè ə tə zhɔyn fɨse ghàyn endam e mɨ zɛ ə pɨ̀a ghaynghe tè ndamə. Zhə̀fè tè pâʼà zhɔyn ghàyn è fɨake kə ekɛ mə ve kàʼa ə ve pof.