Ŋwàʼlè ə̀ Mâk 7:15 - Ŋwàʼlè ə̀ Fèzhə̀ Mkâyn Mə̂ Fèm

^15-16 Fɨake vayn kàʼa ke ndo pəyn ə pɨəyn ə ke nji ə wùə ewìyn ə ke nəyn vəyn nə è və zo va ə Zhə̀fè əshi. Pîza ə̀ nyi afɨa kɛ ə ke fɨə pə̂ ə wùə fètəyn ə ke nə̂ nə wùə ə zo va ə Zhə̀fè əshi”.

Ŋwàʼlè ə̀ Mâk 7:15 Iomraidhean Croise

Matyò 12:34

Mbam sepi sɨ̂nə̀, ghàyn kaʼa ə pi zayn ghɛ echûŋə̀ mə ghàyn nyi ə ghɨ epighə? Choze wâmnə̀ kə èghɛ zɛ ə ze nyi mə zə lwiyn ətəm.

Matyò 15:16

Njisə̀s ə pìə sê ghənə nə, “Se kɔʼɔ zaʼâ fa ashìŋə̀ zôyn, kèpî ghàyn nyìəmə̀ zɨə kê va ghɛ ghə?

Ŋwàʼlè ə̀ Mâk 7:14

Njisə̀s ə wàmnə̀ zâ, ə fɨnə tɔŋnə̂ ànɔ̂yn ə ghɨ kɛ, ke ə pə̀, è və pìə sê ghənə nə, “Ghàyn zɨte ə ghàyn zɨ kê mi.

Ətefɨ̂aʼ 10:28

È və pîə sê ghənə nə, “Ghàyn ke ndô nə saʼ əghɨ̀ ə Njûszè pomə̂ va nə ghàs ə mô ètum ə ghənə sendɛ, pomə̂ va nə ghàs ə kwîə ghasè tum ə təynve. Pîza Zhə̀fè ə tyə̀yn sê mi nə, m kyi va se pì nə wùə zo kwəynə̂ va kɨ̀sə nə è nyîə fɨ̂mə̀ ə Zhə̀fè shi.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

1 Kɔlìŋ 10:25

Ghàyn kàʼa ə ghàyn kwɨl nâʼàpî nyàm èkè zɛ ə pəʼlə apàʼ ə nyâmkè mə ə paʼà pfɨf pfɨfze se chwìtè nə təm ghaynghe nyîə saʼa ghàyn,

Taytùs 1:15

Ghɨ ghɛ ə təmə ghənə̂ghè zo, nâʼàpî àkè nyiə zo sê ghənə. Pîza ghɛ ə təm ə ghənə̂ghè zo va, è ghɛ ə nyi ndɔ̀ʼɔ pomə, fɨa kyîke va ə ke zo sê ghənə. E nyi nyî kûmə̀ nə kwâʼtè tə ghənə̂tè, è təm ə saʼa ə ghənə̂ghè nyi mə ə pofsê.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

Ipilù 9:10

Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.