Ŋwàʼlè ə̀ Mâk 6:51 - Ŋwàʼlè ə̀ Fèzhə̀ Mkâyn Mə̂ Fèm

⁵¹ Kə è pì zâ ə njiə tsɨyntə̀ yighə̀ ghənə ə ngwùʼ èghaʼâ, kè sə ashìŋə̀ fof kɛ ə tənə̂ kə ndò. Choze ə zomə ghənə,

Ŋwàʼlè ə̀ Mâk 6:51 Iomraidhean Croise

Matyò 8:10

Kə Njisə̀s tè zɨ ghɛ zɛ ə è pì, choze ə zomə vəyn. È və pìə sê ghɨ ghɛ ə ghe tè kwiə ə vəyn epàm nə, “M piə sê ghàyn səmɔʼ nə, m pâʼà nyìəm fe wùə ə Isìlây, è kyi èkyî epomə̂ zɨ̂yn.

Ŋwàʼlè ə̀ Mâk 1:27

Ghɨ ətəynghe tè nyi è kaynze, kyì e pfɨfə sê kyì nə, “Ə̀ nyi ekyì eghɛ èkè nyiə? Ə̀ nyi ekyì ezaʼlê efe èkè zɨ̂nə̀ ə? È kàyntə̀ ə̀ghɛ è tyaʼa, nâʼàpî sêzuʼ sepise, se nə̂ kə ke è pìə.”

Ŋwàʼlè ə̀ Mâk 2:12

Kè nyi, e və ndwîə kə ə ghənə əshi ə̀kɨ̂m, ə njìə fèsə̂yn fə vəynfe ə zàŋsə̀ ndô. Nâʼà ghənə əkɨ̂m tè nyi èkaynze sè tsîtə̀ Fèzhə̀ pîə nə, “Ghâsènì pâʼà tyə̂m fe ghɛze nyi.”

Ŋwàʼlè ə̀ Mâk 4:39

È və zə̀mə̀ ə kàyntə̀ ə̀ghɛ sê fofa ətəynke ə pìə sê tsò nə, “Pɔse tyəm ke za!” Kè sə ashìŋə̀ fof kɛ ə pɔ, luʼte ə kɨmə̂ kə mɔŋ.

Ŋwàʼlè ə̀ Mâk 4:41

Ghənə ə fànə̀ nâʼà sə ŋaŋ, kyi e pfɨfə sê kyì nə, “Ə̀ vɨ̂nə nyi ekyì ə wùə èkè nyiə, nâʼàpî àfof è tsò e zɨə və ə?”

Ŋwàʼlè ə̀ Mâk 5:42

Kè nyî, vâyn èzhɔyn ə̀təyn ə ndwìə sè kwîə, (ə pa nyi ke wâ pìŋ njòse pɛ̀.) Kə è ndwì zâ, choze ə zomə ə̀ghɨ ghɛ.

Ŋwàʼlè ə̀ Mâk 6:32

Ghənə ə njiə ə ngwùʼ èghaʼâ ə ghənə anɔ̀yn ə ndò sè ndûə elùʼ, wùə e va fu.

Ŋwàʼlè ə̀ Mâk 7:37

Ə̀ zɨə nâʼàpî ndè, zhasə̂ kə ècho. Ghənə e pîə nə, “È nə̀ ə̀ghɛ kè nâʼà èghɨ. È nə̀ nâʼàpî ə̀ghɨ ghɛ ghe zɨə va, ghe zɨə, pi ghɛ ghe wamnə̀ va, ghe wâmnə.”

Njɔyn 6:21

Ghənə ə ke saŋnə njiə ndzɨsə vəyn ə ngwùʼ èghaʼâ, kè sə ashìŋə̀, ngwùʼ ə tyàŋə̀ fɨə elùʼ vɛ ə ghənə tè ndwìə ətəyn.