Ŋwàʼlè ə̀ Mâk 6:3 - Ŋwàʼlè ə̀ Fèzhə̀ Mkâyn Mə̂ Fèm

³ Piə ə nyi va wùə vɨ̂yn ə è kwìə kɔmə fɨa və? Pîə nyi vâ Mèli? Piə ghɔnyì ə vəynghe nyi Njə̂m, è Njosɛ̀f, è Njondàs, è Shimùyn? Piə ghɔnyì ə vəynghe zənə ndamə ə ghâsènì əfètəyn nə?” Kûmə̀ zamə ghənə zhə̀tə̀ sə̂ pànə̀ vəyn.

Ŋwàʼlè ə̀ Mâk 6:3 Iomraidhean Croise

Matyò 11:6

E nyi tayn zàyn saŋnêzè sê wùə vɛ è mɛnə va Mìə!”

Matyò 12:46

Kə Njisə̀s tè pa wâmnə̀ sê nɔ̂ynvè, nyìə vəyn è ghɔnyiə vəynghe ndômə̀ ə pə̀ tyəmə̂ ə pɨəyn sè kyiŋə nə yîghə̀ Njisə̀s wamne.

Ŋwàʼlè ə̀ Mâk 15:40

Zəyn yîghe tè nyì fu naynə̂ ə̀ghɛ ghɛ ə ghe tè kyànə sə aghaf. Ə ghənə ə fètəyn tè nyi Mèli Màkndàlɛ̂n, Sàlomè, è Mèli nyìə Njə̂m è tətə̂ yî Njosɛ̀f.

Ŋwàʼlè ə̀ Mâk 3:18

Ə tè fɨyn nyi Andɨ̀lò, è Filìp, è Pàtòlòmiyà, è Matyò, è Tɔ̀mɔ̂s, è kɨsè Njə̂m ə va Àfeyùs è Tàtyə̂s è Shimùyn ə wùə ə fètə̂ anɔ̀yn kɛ ke pomə se kwu sê ndaʼa ghənə̂zè,

Tom èchùŋ kè kə Lûk tè nyaʼ 2:34

Simyòn ə pɔsə̂ ghənə ə ke pi sê Mèli nə, “Ò ke nə Zhə̀fè ə ndə̀m vayn vɨ̂yn nə è tə ndwisè ə̀ghɨə Isìlây ghè, ghe tsɨ̂ə kə nyi, ə è pfɨse yîə, ghe tsɨ̂ə kəpi za. Ə̂ è faŋ kepî sə chwiə zɛ ghɨə nə nyə̂ʼsə̀,

Tom èchùŋ kè kə Lûk tè nyaʼ 7:23

Chùŋ nyi sê wùə vɛ ə è tàʼa màʼà epomə̂ zɛ è kyi sê mi.”

Tom èchùŋ kè kə Lûk tè nyaʼ 8:20

Wùə viu ə tsà sê vəyn nə, “Nyi vɛ̂ è ghɔnɛ ghè tyəm əpɨəyn kyiŋə se fe gho.”

Njɔyn 14:22

Njondàs, (ə̀ vachi Njondàs Èskalɔ̀t) ə pfɨfə nə, “Pɛ̂ Ò nə̀ tyə̀nə̀ paynsə̂ zàyn wiyn vɛve sê ghàs, ə Ò tàʼa tyə̀ynə paynsê sê mbi ə?”

Njɔyn 6:42

Ghənə ə ke pì nə, “Wùə vɨ̀nə nyi Njisə̀s, ke nâʼà va Njosɛ̀f, mə ə̀ va Və? Ghâsènì nyîə ke pɨ̀a ə̀ Vəyn è nyìə Vəyn. È kwì zayn sə̂ pîə zôyn nə zhi ndo pə̂yn ekwùtwəyn ə?”

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 12:17

È və kɨmsə̂ ghənə è ghoke ə fɛte tsâ sê ghənə kə Pɛ̂pɛ fè pə̀yn nji fɨ è vəyn ə ndɛ̂ chaʼ. È və tsà se ghənə nə, “Ghàyn tsayn ghɛ nə zɨ̂nə̀ sê Njə̂m è ghɨə mɔ̀ʼɔ ghɛ ə ghe pomə Njisə̀s ghɛ nə zɨ̂yn.” È və wàmnə̀ mɨ̂sə̀ zâ, ə ndò ndûə elùʼ ə ndôvè.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

1 Kɔlìŋ 9:4

E za nyi nə ə̀ va eluʼ vasve se zhi è kɨsè se mɨ kûmə̀ èfɨaʼ zɛ ə ghàs nə̀ mə?

Ngàleshyà 1:19

M tè paʼà fɨyn fe wùətom ə̀ mɔʼɔ fu, wùə vɛ ə m tè fe fu tè nyiʼe nyi ke Njə̂m, ə ànyì ə̀ Pɛ̂pɛ ə̀ ghâsènì.

1 Pità 2:4

Ghàyn pə̀yn sê Pɛ̂pɛ Njisə̀s Klâys, È nyi echi zɛ ə ze ndamə mə ghɨghe ə tə làŋ mâʼà nə e tsɔ̂fə̀ va pîza Zhə̀fè ə fe nə e nyîə kɔʼnə̂ kwəynə̂, ə chɔʼɔ nə ze nyîə kwəynə̂.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.