Ŋwàʼlè ə̀ Mâk 5:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ ə pə̀ fe Njisə̀s. Wùə vɛ è tè kyi nɔ̂yn ə tepamə̂ tə satàyn nə tɛ e tsɨs kepî fumə mə è və màʼ ndzɨse, nyi ke nâʼà ə vəyn etɔf. Ghɨ ətəyn ghə fe zâ ə fànə̀.

Ŋwàʼlè ə̀ Mâk 5:15 Iomraidhean Croise

Matyò 12:29

Nâʼà wùə vîvè vayn kàʼa è kəm nji ə wùə àtyaʼ ə ndɛ ə è nji fɨa vəynve ə̀ tsɛ̂ kə va mə è və kyi kol chi wùə àtyəʼə̂ təyn sə shi, tsɔ̀fə kə è se njì efɨa vəynve ekɨ̂m.

Matyò 26:53

Ghàyn ke va nə m kaʼa m pfɨf tsâmtèzè sê pɨ̀a vɨ̂mvè, kè sə ashìŋə̀ ə è tom tsìsè sê mi kamse eghɨm njòse pɛ̀ ə se tsamte miə?.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Matyò 9:33

Pîza, kè kə Njisə̀s chùm fɨse pamə̂ ə satàyn ətəynze, wùə ətəyn ə zhə̀tə̀ se wàmnè, nâʼà pîndè ə è tè nyì fu e nyi è kaynze piə nə, “Ghàs paʼà tyə̂m fe kyì eghɛ nyî fàyn endaʼ ə Isìlâyzè.”

Ŋwàʼlè ə̀ Mâk 5:14

Ghɨ ghɛ ə tè tsɨ̀ŋnə Kwùnduŋ nə vɛ ə tə kwɨlə̂ ndûə ə tɔ̂ŋ è kɨsè tə̀ʼtə̂ mɛ m̀ tè nyì fu ə tsà èghɛ zɛ ə ze kyâyn. Ghɨə təynghe ə fɨə ndûə se fe eghɛ zɛ ə ze kyayn,

Ŋwàʼlè ə̀ Mâk 5:16

Ghɨ ghɛ ə tè fe kə ghɛ ətəynze kyâyn ə tsà sê ghɨə nə ghɛ, ghɛ zɛ ə ze kyâyn sê wùə ə̀ tèpamə̂ tə satàyn nə tɛ, è Kwùnduŋ vɛ.

Ŋwàʼlè ə̀ Mâk 5:18

È və pìə è njiə ə ngwùʼ eghaʼâ se ndò, wùə vɛ è tè kyi pamə̂ tə satàyn nə tɛ e sè chyatə̂ se ndù yî vəyn.

Ŋwàʼlè ə̀ Mâk 5:4

kûmə̀ nə ə tè faŋə va se fâ tefɨəyn tə vəynte è chaʼse se fɨnə kolə̂ ekɔyn ə vəynze è chaʼse nə è təynte ke ndò, nâʼà wùə e fɨnə tɛ kwəynə va se kyiə ndə̀mə vəyn luʼve emɔ̀ʼ kûmə̀ nə è tè nyîə kyi tsɛsè àtyaʼ.

Ŋwàʼlè ə̀ Mâk 5:9

Njisə̀s ə ke pfɨf sê wùə ə̀təyn nə, “Zə zɛze nyi nde?” È və pə̀ynsə̀ nə, “Zə zhize nyi ‘Anɔ̀yn,’ kûmə̀ nə ghàs nyi nâʼà se tsɨ̀.”

Tom èchùŋ kè kə Lûk tè nyaʼ 10:39

Ə̀ tè nyi zâ Maltà e kyi ànyìə vəyn vîvè, zə vəynze e nyi Mèli. Mèli ə pə̀ tsɨsə kə ə Pɛ̂pɛ əshi se zɨtə̂ ezaʼlê ə vəynze.

Tom èchùŋ kè kə Lûk tè nyaʼ 8:27

Ə tè nyi kə Njisə̀s fɨ sè tɔmə pə̀ aghol ə etipìə tsò nyi ə kwənə yî wùə mə è ndò ə tɔ̂ŋ zhizè fu. Wùə təyn e kyi tèpamə̂ tə satàyntè və fètəyn, nyi mə è və ndam nâʼà sə aghaf, maʼà va nâʼà àfɨa ə vəyn ewiyn fɨyn nyi za, ndamə va ə ndɛ, ndamə kə ə sepfɨ̀mə.

Kòlosè 1:13

È və fɨsê ghâsènì etyə̂ àtyaʼ ə alɨma, ə pə̀yn è ghâsènì əfètəyn efɔ̀yn ə Vâ vəyn vɛ ə è kɔ̀ŋə̀.

2 Timotì 1:7

Kûmə̀ nə Zuʼ sɛ ə Zhə̀fè fo sê ghâsènì nə̀ va nə ghâsènì ə fànə̀, Zuʼ sə Fezhə̀sè pɨlə nə̂ nə ghâsènì ə nyi mə ə lwiyn kwəyn è tyaʼke, è kɔ̂ŋzè, è kɨsè sə ko kyîə sèngɨŋ sə ghasènìse.