Ŋwàʼlè ə̀ Mâk 4:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Shi yîghe ə tàyntə̀ kə nâʼà ə mchi mê chùŋə̀m. Ngwàʼ ə̀təyn ə fòlə̀ ə ndəmə̂ ə pɔŋɔ. Puʼtə mɔ̀ʼɔte e fɨə kyi ə̀shi m̀ghɨm mta, tə mɔ̀ʼɔte kyi ə̀shi m̀ghɨm tufə, tə mɔ̀ʼɔte kyi ə̀shi ewuʼə.”

Ŋwàʼlè ə̀ Mâk 4:8 Iomraidhean Croise

Matyò 13:23

Pîza ngwàʼ zɛ ə è tè tàynte mchi mêchùŋə̀m nyi kə ghɨ ghɛ zɨə ghɛ ə Fezhə̀zè, ə zɨə kê zəynze. Kyì ə ghɨ̀ ghɨ̂yn nə̂ əghɛ əchûŋə̀ kè kə epuʼ ə sɔ̀f zɛ ə ze kɔʼ, zə mɔ̀ʼɔ ze kyi ə̀shi ewə̀ atu, zə mɔ̀ʼɔze kyi ə̀shi m̀ghɨm tufə, zə mɔ̀ʼɔze kyi m̀ghɨm ta.”

Matyò 13:8

Shi yîghe ə tàyntə̀ mchi mêchùŋə̀m, ngwàʼ ə̀təyn ə kɔʼɔ ə pɔŋə nâʼà àchûŋ. Puʼ tîte kyi ə̀shi ewə̀ atu, yîghe m̀ghɨm tufə, ghəmɔ̀ʼɔ m̀ghɨm ta.”

Ŋwàʼlè ə̀ Mâk 4:20

Pîza ghɨ ghɛ ə ghe nyi kə ngwàʼ zɛ ə è tàyntè mchi mê chùŋə̀m, nyi ghɛ ghe zɨə ghɛ ə Fezhə̀zè, ghənə ə kyîə kə ndò, zə pɔŋə tèpuʼ, zhîze e kyi ə̀shi m̀ghɨm ta, zhîze kyi ə̀shi m̀ghɨm tufə, zhîze kyi ə̀shi ewə̀.”

Ŋwàʼlè ə̀ Mâk 4:7

Shi yîghe ə tàyntə̀ kəpî elùʼ m̀sòlèndzɔŋ. M̀sòlèndzɔŋ mə̂təynmè ə fɨə ə ghàŋtə̀ kyîə èfɨa ətəynve, və tàʼa pɔŋ.

Ŋwàʼlè ə̀ Mâk 4:9

Njisə̀s tè mɨ̀se ngàyn nə zɨnə̀ nə, “Ə̀ tɔfə pî ndè, è və tɔ̀ʼɔ̀ zɨtə̂.”

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Tom èchùŋ kè kə Lûk tè nyaʼ 8:8

Zhizè ə tàyntə̀ kə nâʼà əmchi mê chùŋə̀m, ngwàʼ ə təyn ə kɔʼɔ ə pùsə̀ ə piə, naʼapi èpuʼ èkè e fɨsə əshi, ghe tsɨ̀ə zaʼâ tèwə.” Njisə̀s ə wàmnə̀ zâ ə fɨnə piə è kyə̀ ètɛ nə, “Ə̀ tɔfə pi ndè, è və tɔ̀ʼɔ̀ zɨtə̂.”

Njɔyn 15:5

M nyi fekâʼ, ghàyn nyi sèngɔyn. Ghɨ ghɛ ə faŋ ə mì ewìyn, mə faŋə sê ghənə, tə muə ètwɔm ve tsɨ̂ə kə nyi. Ə va mi, ghàyn vayn kàʼa nəyn ghɛ zhîze.

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ɛfesùs 2:21

Ə̀ nyi vəyn vɛ ə è kokyi ndɛ nə zɨ̂yn, è ze kɔʼɔ se fɨ sə ndɛ ètsə̀mə ə̀ Pɛ̂pɛ.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.